Lottery win | വയസ്സ് 18, അടിച്ചത് 290 കോടിയുടെ ലോട്ടറി; യുവതി വാങ്ങിക്കൂട്ടിയതെല്ലാം സ്വപ്നതുല്യം

18 വയസ്സിൽ നിങ്ങൾ എന്ത് ചെയ്തു എന്ന് ആരെങ്കിലും ചോദിച്ചുട്ടുണ്ടാവില്ലേ പലപ്പോഴും? സാധാരണ ഗതിയിൽ പലരും പഠിച്ച് ഒരു ബിരുദം നേടാനുള്ള ശ്രമങ്ങൾ തുടങ്ങുന്നത് ഈ പ്രായത്തിലാവും. എന്നാൽ ഈ പ്രായത്തിൽ തന്നെ ആയുഷ്ക്കാലത്തേക്കുള്ള സമ്പാദ്യം മുഴുവൻ നേടാനായാൽ എങ്ങനെയുണ്ടാവും? ഒന്നാലോചിച്ചു നോക്കുക. അതേ, ആ നേട്ടം കൈവരിച്ചിരിക്കുകയാണ് ഒരു മിടുക്കി

വെറും 18 വയസുള്ളപ്പോൾ ലോട്ടറി അടിച്ചാണ് ഈ മിടുക്കി നേട്ടം കൈവരിച്ചിട്ടുള്ളത്. ഇതിൽ യുവതിയുടെ മുത്തച്ഛന് ഒരു വലിയ പങ്കുണ്ട്. ജനുവരി ഏഴാം തിയതിയായിരുന്നു യുവതിയുടെ ജന്മദിനം. ലോട്ടറി ടിക്കറ്റ് വാങ്ങാൻ ഉപദേശിച്ചത് മുത്തച്ഛനാണ്‌ (തുടർന്ന് വായിക്കുക)

കാനഡയിലെ ഒന്റാറിയോ എന്ന സ്ഥലത്തെ ജൂലിയറ്റ് ലമർ എന്ന യുവതിയാണ് ആ ഭാഗ്യവതി. ജന്മദിനത്തിന് എന്ത് വാങ്ങണം എന്ന് അറിയാതിരുന്ന കൊച്ചുമകൾക്കു മുന്നിലേക്കാണ് മുത്തച്ഛന്റെ ഉപദേശം. എങ്ങനെ വാങ്ങണം എന്നറിയാത്തതിനാൽ യുവതി അച്ഛന്റെ സഹായം തേടി. ഒന്റാറിയോ ലോട്ടറി ആൻഡ് ഗെയിമിംഗ് കോർപ്പറേഷനിൽ പോയാണ് യുവതി ലോട്ടറി വാങ്ങിയത്

ലോട്ടോ 6-49 ലോട്ടറി വാങ്ങി യുവതി വീട്ടിൽ മടങ്ങിയെത്തി. ലോട്ടറി വാങ്ങിയ കാര്യം യുവതി മറന്നു പോകുകയും ചെയ്തു. ഒരു ദിവസം അയൽക്കാരി ഇതേ ലോട്ടറിയിൽ ഒരു സമ്മാനം അടിച്ച കാര്യം പറഞ്ഞപ്പോഴാണ് യുവതി താൻ വാങ്ങിയ ലോട്ടറിയുടെ കാര്യം ഓർത്തത്

ഉടൻ തന്നെ മൊബൈൽ ഫോൺ എടുത്ത് ലോട്ടറി ഫലം ഒത്തുനോക്കി. അപ്പോഴാണ് 48 മില്യൺ കനേഡിയൻ ഡോളർ 290 അഥവാ കോടി രൂപ താൻ വിജയിച്ചതായി യുവതി കണ്ടെത്തിയത്. ഓഫീസിൽ ഇരിക്കെയാണ് ഇവർ ഫലം നോക്കുന്നത്. സംഭവം പുറത്തറിഞ്ഞതും സഹപ്രവർത്തകരിൽ പലരും ഞെട്ടൽ രേഖപ്പെടുത്തി

ലോട്ടറി വിജയിച്ച യുവതിയോട് നേരത്തെ വീട്ടിൽ പോകാൻ സഹപ്രവർത്തകർ ഉപദേശിച്ചെങ്കിലും, ജോലി കഴിഞ്ഞ് വന്നാൽ മതി എന്നായി അവരുടെ അമ്മ. വിജയിച്ച ശേഷം യുവതി വാങ്ങിക്കൂട്ടിയ വസ്തുവകകൾ എന്താണെന്നു പറഞ്ഞാൽ പലരും ഞെട്ടും

കുടുംബത്തിന് വേണ്ടി ഏറ്റവും വിലപിടിപ്പുള്ള മെഴ്‌സിഡസ് ബെൻസ് കാർ തന്നെ യുവതി വാങ്ങി. 150 കോടി രൂപ ഭാവി നിക്ഷേപമാക്കി. കാറിന്റെ വില രണ്ടു കോടി രൂപയാണ്. ഇതിനു പുറമേ വാങ്ങിയ ചാർട്ടർ വിമാനമാകട്ടെ 100 കോടിയും. 40 കോടിയുടെ ഒരു ബംഗ്ളാവും യുവതി സ്വന്തമാക്കി