10 വർഷമായി കഴുകാത്ത തലയിണയിൽ കാമുകന്റെ സുഖനിദ്ര; കഴുകി വെളുപ്പിച്ച് പുത്തനാക്കി കാമുകി

പങ്കാളി വീട് വെടിപ്പായി സൂക്ഷിക്കാത്തതിന്റെ പേരിൽ  പലപ്പോഴും പൊട്ടിത്തെറിക്കുന്നവരുണ്ടാവും. എന്നാൽ ഒരുപക്ഷെ അവരാരും ചെയ്യാത്ത ഒരു കാര്യമാണ് ഇവിടെ സംഭവിച്ചിരിക്കുന്നത്. പത്തു വർഷമായി  കാമുകൻ കഴുകാതെ ഉപയോഗിക്കുന്ന തലയിണ കഴുകി വൃത്തിയാക്കി എടുത്തിരിക്കുകയാണ് ഒരു കാമുകി (പ്രതീകാത്മക ചിത്രം)

ഞെട്ടിക്കുന്ന ആ കണ്ടുപിടിത്തം നടത്തിയതും കാമുകി തന്നെ. പുതിയ തലയിണ വാങ്ങാനും ഇദ്ദേഹത്തിനു താത്പ്പര്യമില്ലത്രേ. അഴുക്കും ചെളിയും പിടിച്ച തലയിണ വൃത്തിയാക്കുന്ന വീഡിയോ യുവതി ടിക്ടോക്കിൽ പോസ്റ്റ് ചെയ്തു

കാമുകൻ ജോലിക്കു പോയ സമയത്താണ് യുവതി തലയിണകൾ കഴുകാനെടുത്തത്. അതും ചില്ലറ പണിയൊന്നുമല്ലായിരുന്നു. നാല് ഘട്ടങ്ങളായാണ് കഴുകി വൃത്തിയാക്കിയത് (പ്രതീകാത്മക ചിത്രം)

ബാത്ടബ്ബ്ബിൽ കുതിർത്തു വച്ച തലയിണയിൽ പാത്രംകഴുകുന്ന ടാബ്‌ലറ്റുകൾ ഇട്ടു. ശേഷം വെള്ളത്തിലേക്ക് ബോറാക്സ് പൊടി വിതറി. പിന്നെ ബ്ളീച്ചൊഴിച്ച് നിലംതുടയ്ക്കുന്ന മോപ് ഉപയോഗിച്ച് ഉരസി കഴുകി. അതുകഴിഞ്ഞ് വാഷിങ് മെഷീനിലേക്കു മാറ്റി കഴുകി വൃത്തിയാക്കി

മൂന്ന് തലയിണകളാണുണ്ടായിരുന്നത്. കഴുകിയ ശേഷം ഇവ പുതുപുത്തൻ പോലെ തിളങ്ങി. വൃത്തിയാക്കൽ വീഡിയോ വൈറലായതോടെയാണ് ഈ സംഭവം ലോകമറിഞ്ഞത്‌. ഏതാണ്ട് രണ്ടു ദശലക്ഷത്തോളം പേർ വീഡിയോ കണ്ടിരുന്നു