കാമുകനെ തുടലിൽ കെട്ടി നടക്കാനിറങ്ങി; ചോദിച്ചവർക്ക് വിചിത്രമായ മറുപടിയുമായി യുവതി

കാമുകീ കാമുകന്മാരുടെ പ്രണയ സല്ലാപവും പ്രണയാർദ്ര നിമിഷങ്ങളും മനസ്സിൽ വരുന്നവർക്ക് ഒരു വ്യത്യസ്ത തരം പ്രണയകഥ ഇവിടെ വായിക്കാം. കൈകോർത്തും ചേർത്ത് പിടിച്ചും പാർക്കിലും ബീച്ചിലും നടക്കുന്നവർക്ക് ഇതാ ഒരു പുതിയ മാർഗവുമായി രണ്ടു കമിതാക്കൾ. ഇവിടെ കാമുകനെ തുടലിൽ കെട്ടിക്കൊണ്ട് പ്രഭാത സവാരി നടത്തിയ യുവതിയുടെ വാർത്തയാണ് പുറത്തുവന്നിരിക്കുന്നത്

വളരെ അപൂർവമായ കാഴ്ചയാണ് നാട്ടുകാർ കാണാനിട വന്നത്. സാധാരണ ഗതിയിൽ നായ്ക്കളെ നടത്താൻ കൊണ്ടുപോകുന്ന തുടൽ തന്നെയാണ് കാമുകനെ കെട്ടാനും യുവതി ഉപയോഗിച്ച് പോന്നത്. സംഭവം കണ്ണിൽപ്പെട്ട പോലീസ് ഇവരെ തടയുകയും ചോദ്യം ചെയ്യുകയും ചെയ്‌തു (തുടർന്ന് വായിക്കുക)

കോവിഡ് ഭീതി തുടരുന്ന പശ്ചാത്തലത്തിൽ കാനഡയിൽ ഇപ്പോൾ ലോക്ക്ഡൗൺ പ്രഖ്യാപിച്ചിരിക്കുകയാണ്. രാത്രി എട്ടു മണി മുതൽ വെളുപ്പിന് അഞ്ച് മണിവരെ ഇവിടെ ജനങ്ങളോട് പുറത്തിറങ്ങാൻ പാടില്ല എന്ന് നിർദ്ദേശിച്ചിട്ടുണ്ട്

എന്നാൽ ഒഴിച്ചുകൂടാനാവാത്ത സേവനങ്ങൾ നൽകുന്നവരും നായ്ക്കളെ നടത്താൻ കൊണ്ടുപോകുന്നവർക്കും ഇളവുണ്ട്. ഈ സൗകര്യമാണ് യുവതി ഉപയോഗിച്ചത്. ചോദിച്ചപ്പോൾ താൻ നായയെ നടക്കാൻ കൊണ്ടുപോകുന്നു എന്നായിരുന്നത്രെ മറുപടി എന്ന് 'ദി മിറർ' റിപ്പോർട്ട് ചെയ്യുന്നു

ഷെർബ്‌റൂക്കിലെ കിംഗ് സ്ട്രീറ്റ് ഈസ്റ്റിലാണ് സംഭവം നടന്നത്. അവിടെവച്ചാണ് ഇവരെ പോലീസ് തടഞ്ഞത്. ഇവർ പോലീസുമായി തീരെ സഹകരിച്ചില്ല എന്ന് പോലീസ് വൃത്തങ്ങൾ പറഞ്ഞു

6000 ഡോളർ അഥവാ 4,38,966.60 രൂപയാണ് പിഴയിനത്തിൽ ചുമത്തിയത്. അതടയ്ക്കാൻ തയാറല്ലെന്നും ഇവർ നിർബന്ധം പിടിച്ചുവത്രെ. ഈ വാർത്ത സോഷ്യൽ മീഡിയയിൽ പ്രചരിച്ചതും പലരും രസകരമായാണ് പ്രതികരിച്ചത്