Viral | പങ്കാളി എന്തുപറയും എന്ന് കരുതി മറച്ചുപിടിച്ചു; യുവതി കഠിനമായ വയറുവേദനയുമായി ആശുപത്രിയിൽ

പങ്കാളിയുടെ മുന്നിൽ തനിക്ക് എന്തുതരം പ്രതികരണം ഉണ്ടാകുമെന്നു ഭയന്ന് തന്റെ ശാരീരികാവസ്ഥ മറച്ചുപിടിച്ച യുവതി ഒടുവിലെത്തിയത് ആശുപത്രിയിൽ. വെളിപ്പിന് അഞ്ചര മണിക്ക് ഉണർന്നപ്പോൾ അതികഠിനമായ വയറുവേദന അനുഭവപ്പെട്ടതോടു കൂടിയാണ് യുവതി ആശുപത്രിയിൽ ചികിത്സ തേടിയത്. ഒടുവിൽ തനിക്കുണ്ടായ അനുഭവം അവർ ഇൻസ്റ്റാഗ്രാം സ്റ്റോറിയിൽ പങ്കിട്ടു

യുവതി ഗായികയാണ്. അവർ തന്റെ അവസ്ഥയെക്കുറിച്ച് ഇൻസ്റ്റഗ്രാം സ്റ്റോറിയിൽ കുറിച്ചതിങ്ങനെ: “ഞാൻ രാവിലെ 5.30ന് കഠിനമായ വയറുവേദനയോടെ ഉണർന്നു, ആശുപത്രിയിൽ എത്തി. അത്രയേയുള്ളൂ, സുഹൃത്തുക്കളേ. ഇപ്പോൾ എനിക്ക് സുഖമാണ്," അവർ കുറിച്ചു. യുവതി മറച്ചുപിടിച്ച കാരണം എന്തായിരുന്നു എന്ന് കൂടി അറിയുക (തുടർന്ന് വായിക്കുക) 

27 വയസ്സുള്ള പോക്ക അഥവാ വിവിയാൻ ഡി ക്വിറോസ് പെരേര എന്ന യുവതി, താൻ അധോവായു പിടിച്ചുവച്ചതുകൊണ്ടുള്ള പ്രശ്‌നം ആരാധകരുമായും അനുയായികളുമായും പങ്കിടാൻ വേണ്ടിയാണ് ഇൻസ്റ്റഗ്രാം സ്റ്റോറിയിൽ എത്തിയത്. LADbible റിപ്പോർട്ട് അനുസരിച്ച്, 27 കാരി തന്റെ ഒരു പിടി ചിത്രങ്ങൾ പോസ്റ്റ് ചെയ്തു

അതിൽ അവരെ ഒരു ആശുപത്രിക്കുള്ളിൽ കാണാം. മുഖംമൂടി ധരിച്ചിരുന്നതിനാൽ അവർ ശരിയായ കോവിഡ് പ്രോട്ടോക്കോളുകൾ പാലിച്ചിരുന്നു. ഗായിക തന്റെ അനുഭവത്തിലൂടെ എല്ലാവരോടും ഒരു പാഠം പഠിക്കാൻ ആവശ്യപ്പെടുകയും ചെയ്യുന്നു

പുരുഷന്മാർക്ക് മുന്നിൽ പരിഹാസ്യരാകുന്നതിൽ ലജ്ജിക്കരുതെന്ന് തന്റെ എല്ലാ സ്ത്രീ ആരാധകരെയും ഉപദേശിക്കുകയും ചെയ്യുന്നു, കാരണം ഇതിനെക്കാൾ ലജ്ജാകരമാണ് 'കുടുങ്ങിയ അധോവായു' എന്ന് രോഗനിർണയം നടത്തുന്നത്, അവർ പറഞ്ഞു

'ലജ്ജാകരമായ കാര്യം അതല്ല. നിങ്ങൾ അസ്വസ്ഥതയാകുമ്പോൾ, നിങ്ങളുടെ പങ്കാളിയുമായി ആശുപത്രിയിൽ പോകുന്നു. പിടിച്ചുവച്ച അധോവായു എന്ന് രോഗനിർണ്ണയം നടത്തുന്നതുമാണ്.' കൂടാതെ, വയറുവേദനയെ അവഗണിക്കണമെന്ന് നിർദ്ദേശിച്ച ടിക് ടോക്കിലെ ഒരു ത്രെഡിനെ അവർ കുറ്റപ്പെടുത്തുകയും ചെയ്തു