ഉപയോഗിച്ച കോണ്ടം സഹപാഠികളായ 65 വനിതകൾക്ക് തപാലിലൂടെ അയച്ച ആളെ രണ്ടുമാസമായി തിരയുന്നു

ഒരേ സ്കൂളിൽ പഠിച്ച 65ഓളം വനിതകൾ തപാൽ വഴി ലഭിച്ച വസ്തു കണ്ടതിന്റെ ഞെട്ടലിലാണ്. രണ്ടു മാസമായി ഓരോരുത്തർക്കായി ഈ വിചിത്ര വസ്തു തപാൽ വഴി ലഭിക്കാൻ തുടങ്ങിയിട്ട്. പഠിച്ച് 23 വർഷങ്ങൾക്ക് ശേഷമാണ് ഇങ്ങനെയൊരു സംഭവം ഇവരുടെ ജീവിതത്തിൽ അരങ്ങേറുന്നത്. തുറന്നവർക്ക് മുൻപിലേക്ക് ഉപയോഗിച്ച കോണ്ടം ആണ് എത്തിച്ചേർന്നത്

ഉള്ളിൽ ഈ വസ്തു മാത്രമല്ല. അതിനൊപ്പം തന്നെ ഭീഷണി സന്ദേശം കൂടിയുണ്ട്. മുൻ വിദ്യാർത്ഥിനികളെ ലക്‌ഷ്യം വച്ചുള്ള ഏതോ പ്രവർത്തിയുടെ ഭാഗമാണ് ഈ കത്തുകൾ എന്ന് പോലീസ് സംശയിക്കുന്നു (തുടർന്ന് വായിക്കുക)

ഓസ്‌ട്രേലിയയിലെ മെൽബണിലെ പെൺകുട്ടികൾ മാത്രം പഠിക്കുന്ന വിദ്യാലയത്തിലെ പൂർവവിദ്യാർത്ഥികളാണ് ഇവർ. രണ്ടു മാസമായി ഈ സംഭവം അരങ്ങേറാൻ തുടങ്ങിയിട്ട്

ഇക്കൊല്ലം മാർച്ച് 20നാണ് ആദ്യ തപാൽ ലഭിച്ചത്. ശേഷം പലപ്പോഴായി പലർക്കും കത്ത് ലഭിച്ചു തുടങ്ങി. പരാതിയുമായി ഓരോരുത്തരായി മുന്നോട്ടുവന്നു. കുറച്ചു നാൾ മുൻപ് വിദ്യാർഥികൾ ചേർന്നൊരു ഇയർ ബുക്ക് ഇറക്കിയിരുന്നു. ഇതിൽ ഓരോരുത്തരുടെയും പേരും മേൽവിലാസവും ഉണ്ടായിരുന്നു

ഈ ഇയർബുക്കിൽ നിന്നാവാം മേൽവിലാസം കണ്ടെത്തിയത്. ഇത് കയ്യിൽക്കിട്ടിയ ആൾ ദുരുപയോഗം ചെയ്തതാവാം എന്നാണ് പ്രാഥമിക നിഗമനം. ഇയാൾ ചിലപ്പോൾ ആരുടെയെങ്കിലും പങ്കാളിയോ സഹോദരനോ ആവാനും സാധ്യതയുണ്ട്

ഭീഷണി സന്ദേശങ്ങളിൽ അശ്‌ളീല വരികളാണുള്ളത്. അയക്കുന്ന ആളിന് സ്കൂളുമായി ബന്ധമില്ല എന്ന് പൊലീസിന് പറയാൻ സാധിക്കില്ല. ഇനി DNA ടെസ്റ്റും കയ്യക്ഷര പരിശോധനയും നടത്തി ആളെ കണ്ടെത്താൻ സാധിക്കുമോ എന്ന കാര്യം പോലീസ് പരിഗണനയിലുണ്ട്