മാസ്കും അകലവുമില്ലാതെ ചൈനയിൽ ആഘോഷം തുടങ്ങി; ചിത്രങ്ങൾ വൈറൽ

മാസങ്ങളുടെ അനിശ്ചിതാവസ്ഥയ്ക്കൊടുവിൽ മാസ്കും അകലവും ഉപേക്ഷിച്ച് ആഘോഷങ്ങളിലേക്കു മടങ്ങി ചൈന. സംഗീതോത്സവങ്ങൾ, ബീച്ച് ക്ലബ്, ബാർ, ഡിസ്കോ എന്നിങ്ങനെ എല്ലാം പഴയപടിയായിട്ടുണ്ടിവിടെ. കഴിഞ്ഞ മാസം കോവിഡ് പ്രഭവകേന്ദ്രമായ വുഹാനിൽ 3,000 പേർ പങ്കെടുത്ത പൂൾ പാർട്ടി നടന്നിരുന്നു

ഇത് 2020 ഓഗസ്റ്റ് 15ന് പകർത്തിയ ചിത്രം. ചൈനയുടെ മധ്യ ഹുബെയ് പ്രവിശ്യയിൽ ജനങ്ങൾ സ്വിമ്മിങ് പൂളിൽ ഒന്നിച്ചിറങ്ങുന്ന ചിത്രമാണ്. എ.എഫ്.പി. റിപോർട്ടുകൾ അനുസരിച്ച് വുഹാനിൽ കൊറോണ വൈറസ് വ്യാപനം അവസാനിച്ചു എന്നാണ് വിവരം. (ചിത്രം: ഗെറ്റി ഇമേജസ്)

സ്റ്റേജിൽ ഡി.ജെ.യുടെ പ്രകടനം. ഇവിടെ ഒട്ടേറെ കാണികൾ ഒത്തുകൂടി. സാമൂഹിക അകലം പാലിക്കലും ഇല്ലായിരുന്നു. കഴിഞ്ഞ കുറേ മാസങ്ങളായി വുഹാനിലും ചൈനയിലെ മറ്റു സ്ഥലങ്ങളും പുതിയ കൊറോണ വൈറസ് കേസുകൾ റിപ്പോർട്ട് ചെയ്തില്ല

ഇതുപോലൊരു കാഴ്ച ചൈനയിലല്ലാതെ ലോകത്തെവിടെയും സാധ്യമല്ലാത്ത കാഴ്ചയാണ്. അമേരിക്കയാണ് ഏറ്റവും അധികം കോവിഡ് കേസുകളുമായി ബുദ്ധിമുട്ടുന്നത്. തൊട്ടുപിന്നാലെ ഇന്ത്യയുണ്ട്. 76 ദിവസത്തെ ലോക്ക്ഡൗൺ സ്ഥിതിഗതികൾ മാറ്റി എന്നാണ് പറയപ്പെടുന്നത്

ഈ ചിത്രം കണ്ടാൽ കോവിഡിന് മുൻപുള്ള കാലം എന്ന് തോന്നിയോ? എന്നാൽ അല്ല. ഈ വർഷം ചൈനയിലെ ഡിസ്കോ ക്ലബ്ബിൽ നിന്നും റോയിട്ടേഴ്‌സ് പകർത്തിയ ചിത്രമാണിത്

ലോകമെമ്പാടും ഡിസ്കോകളും ബാറും അടഞ്ഞു കിടക്കുകയാണ്. അതുപോലെ തന്നെ പ്രോട്ടോക്കോളുകളും ശക്തമാണ്. വുഹാനിലെ ഒരു ബാറിൽ നിന്നുള്ള ദൃശ്യം (ചിത്രം: ഗെറ്റി ഇമേജസ്)

മെയ് മാസം മുതൽ ഇവിടെ കോവിഡ് സമ്പർക്കവ്യാപനം റിപ്പോർട്ട് ചെയ്തില്ല എന്നാണ് പറയപ്പെടുന്നത്. ജീവിതം പഴയപടിയെ തിരിച്ചു വരും എന്ന ശുഭ സൂചകമാണ് ഈ ദൃശ്യങ്ങൾ. യു.കെ., സ്പെയിൻ പോലുള്ള സ്ഥലങ്ങളിൽ കോവിഡ് രണ്ടാംഘട്ട വ്യാപനത്തിലാണ്