Actor Bala | നടൻ ബാലക്ക് വേണ്ടി പൊങ്കാല സമർപ്പണം, പ്രാർത്ഥന, സുഖമാവട്ടെ എന്ന് ആശംസ; എലിസബത്തിന്റെ വീഡിയോ പോസ്റ്റിൽ ആരാധകരുടെ തിരക്ക്

ബാല (Actor Bala) എന്ന നടനെയാണോ അതോ മനുഷ്യസ്നേഹിയെ ആണോ പ്രേക്ഷകരും ആരാധകരും ഇത്രയും നാൾ സ്നേഹിച്ചത് എന്ന് തോന്നിപ്പോകും അദ്ദേഹത്തിന്റെ ആരോഗ്യത്തെക്കുറിച്ചുള്ള ഉത്ക്കണ്ഠ നിറയുന്ന ഓരോ കമന്റിലും. ട്രോൾ സ്വഭാവമുള്ള കേരളത്തിലെ സോഷ്യൽ മീഡിയ പക്ഷെ ബാലയ്ക്കു വേണ്ടി കൈകൂപ്പി പ്രാർത്ഥിച്ച് അദ്ദേഹത്തിന് ആരോഗ്യവും ദീർഘായുസും കിട്ടട്ടെ എന്ന് ആഗ്രഹിക്കുകയാണ്

എലിസബത്തിന്റെ യൂട്യൂബ് ചാനലിലെ കമന്റുകൾ തന്നെ സാക്ഷ്യം. കഴിഞ്ഞ ദിവസം എലിസബത്ത് പോസ്റ്റ് ചെയ്ത വീഡിയോയ്ക്ക് താഴെ മുഴുവൻ ബാലയെക്കുറിച്ചുള്ള ചോദ്യങ്ങളാണ്. സാധാരണ നിലയിൽ ചില കമന്റുകൾക്കെങ്കിലും പ്രതികരിക്കാറുള്ള എലിസബത്തിനെ ഇവിടെ കാണുന്നുമില്ല. എലിസബത്തും കുടുംബവും ബാലയുടെ ഒപ്പമാണെന്നാണ് വിവരം (തുടർന്ന് വായിക്കുക)

ആറ്റുകാൽ പൊങ്കാല ദിനമായ ഇന്നാണ് ബാല ആശുപത്രിയിൽ ആയെന്ന വിവരം പുറത്തുവരുന്നത്. കൊച്ചിയിലെ സ്വകാര്യ ആശുപത്രിയിലെ ഐ.സിയുവിൽ ചികിത്സയിലാണ് അദ്ദേഹം

ആറ്റുകാൽ പൊങ്കാല ഇടാൻ പോയ തന്റെ അമ്മ ബാലയ്ക്കു വേണ്ടി പ്രാർത്ഥിച്ചു എന്ന് ഒരാളുടെ കമന്റ്, ബാലയ്ക്കു സുഖമില്ലാതായി എന്നറിഞ്ഞ് പലരും വിഷമത്തിലാണ് എന്ന് മറ്റുള്ള കമന്റുകൾ പറയും. പ്രാർത്ഥനയും സ്നേഹവും കൊണ്ട് ബാലയെ മൂടുകയാണ് ഓരോ ആളും

നടൻ ഉണ്ണി മുകുന്ദനും നിർമാതാവ് ബാദുഷയും ബാലയെ സന്ദർശിച്ചിരുന്നു. അദ്ദേഹം സംസാരിച്ചതായും, മറ്റു കുഴപ്പങ്ങൾ ഏതും ഇല്ലെന്നും ബാദുഷ ഫേസ്ബുക്ക് പോസ്റ്റിൽ കുറിച്ചിരുന്നു

എലിസബത്ത് ഉദയന്റെ യൂട്യൂബ് വീഡിയോയുടെ ചുവടെ വന്ന കമന്റുകളിൽ ചിലതിന്റെ സ്ക്രീൻഷോട്ട്