Subi Suresh | സുബി സുരേഷ് സ്‌ക്രീനിലൂടെ പ്രേക്ഷകരുടെ മുന്നിലേക്ക് ഇനിയും വരും; അറിയിപ്പുമായി സഹോദരൻ എബി

പ്രേക്ഷകരുടെ മനസ്സിൽ ഒരു നെരിപ്പോടായി മാറി വിടപറഞ്ഞ പ്രിയ നടിയും അവതാരകയുമാണ് സുബി സുരേഷ് (Subi Suresh). ഒരു സുപ്രഭാതത്തിൽ സുബി വിടവാങ്ങി എന്ന വാർത്ത ഉൾക്കൊള്ളാൻ എത്രപേർക്കായി എന്ന ചോദ്യമുണ്ട്. കരൾ സംബന്ധമായ രോഗത്തെ തുടർന്ന് ചികിത്സയിൽ തുടരുന്ന വേളയിലാണ് സുബിയെ മരണം കവർന്നത്

സുബിയുടെ മരണം ഏല്പിച്ച ആഘാതത്തിൽ നിന്നും ഇനിയും മുക്തരാവാത്ത കുടുംബം, അവസാന നിമിഷം സുബിക്കൊപ്പം, സുബിക്കുവേണ്ടി നിലകൊണ്ട എല്ലാവർക്കും നന്ദി അറിയിക്കുന്നു. പ്രേക്ഷകർക്കും,  പ്രാർത്ഥിച്ചവർക്കും, ഡോക്ടർമാർ, നേഴ്‌സുമാർ, സുരേഷ് ഗോപി, ഹൈബി ഈഡൻ, രമേശ് പിഷാരടി, എൽദോസ് കുന്നപ്പള്ളി തുടങ്ങിയവർക്കും അനുജൻ എബി നന്ദി അറിയിച്ചു. ഒപ്പം സുബി വീണ്ടും സ്‌ക്രീനിൽ വരും എന്ന ഒരുറപ്പും (തുടർന്ന് വായിക്കുക)

ചികിത്സയിൽ പ്രവേശിക്കും മുൻപ് സുബി സുരേഷ് ഒരാഗ്രഹം ബാക്കി വച്ചിരുന്നു. എന്നാൽ ചികിത്സയുടെ തിരക്കിലും സുബിയുടെ ആരോഗ്യത്തിനും വേണ്ടി അഹോരാത്രം ഓടിനടക്കുന്നതിനിടെ പിന്നെയാകട്ടെ എന്ന് പറഞ്ഞ് മാറ്റിവച്ച അക്കാര്യം ഇനി പ്രേക്ഷരുടെ മുന്നിലെത്തുന്ന വിവരമാണ് എബിക്ക് പറയാനുണ്ടായിരുന്നത്

ഒട്ടേറെ ആരാധകരാറുള്ള സുബിയുടെ ഫേസ്ബുക്ക് പേജ്, യൂട്യൂബ് ചാനൽ എന്നിവിടങ്ങളിൽ പോസ്റ്റ് ചെയ്യാൻ സുബി ചില വീഡിയോകൾ എടുത്തു വച്ചിരുന്നു. അത് പോസ്റ്റ് ചെയ്‌തോ എന്ന് രോഗശയ്യയിൽ കിടക്കുമ്പോഴും സുബി തിരക്കിയിരുന്നു

സുബിയുടെ ആ വ്‌ളോഗുകൾ പ്രേക്ഷകർക്ക് മുന്നിൽ എത്തിക്കും എന്ന് എബി. സുബിയുടെ അവസാന വീഡിയോകളാണത്

മാത്രവുമല്ല, സുബി സുരേഷിന്റെ യൂട്യൂബ്, ഫേസ്ബുക്ക് പേജുകൾ അതുപോലെ നിലനിർത്താനും തങ്ങൾ ശ്രമിക്കും എന്ന് സഹോദരൻ. നല്ല കാര്യങ്ങൾ ഈ പേജുകളിലൂടെ എത്തിക്കാനാവും തങ്ങളുടെ ശ്രമമെന്ന് എബി കൂട്ടിച്ചേർത്തു