കൊച്ചി:കൊവിഡ് 19 പരിശോധനയുടെ ചിലവ് ഗണ്യമായി കുറയ്ക്കുന്നതിനുള്ള പുതിയ കണ്ടുപിടിത്തവുമായി എറണാകുളം ജില്ലാ ഭരണകൂടം. പുതിയ സംവിധാനത്തിലൂടെ രണ്ടു മിനിട്ടുള്ളില്‍ പരിശോധനയ്ക്കായി സാമ്പിള്‍ ശേഖരിയ്ക്കാം.
2/ 6
കോവിഡ് പ്രതിരോധനത്തിനായി സംസ്ഥാനത്തെ ആശുപത്രികള്‍ സര്‍വ്വസജ്ജമാണെങ്കിലും പേഴ്‌സണല്‍ പ്രൊട്ടക്ഷന്‍ കിറ്റുകളുടെ ലഭ്യതക്കുറവ് വലിയ പ്രതിസന്ധിയാണ് സൃഷ്ടിയ്ക്കുന്നത്.
3/ 6
സാമ്പിള്‍ പരിശോധനകള്‍ക്കായി ഒരു തവണ ഉപയോഗിയ്ക്കുന്ന കിറ്റുകള്‍ വീണ്ടും ഉപയോഗിയ്ക്കാന്‍ കഴിയില്ല. കിറ്റുകള്‍ക്കാവട്ടെ ഭാരിച്ച ചിലവുകളുമാവും. ഈ സാഹചര്യത്തിലാണ് കൊറിയ അടക്കമുള്ള വിദേശരാജ്യങ്ങളില്‍ ഉപയോഗമാരംഭിച്ച വിസ്‌ക് സംവിധാനം ജില്ലാ ഭരണകൂടം സ്വന്തമായി വികസിപ്പിച്ചത്.
4/ 6
പ്രത്യേക കാബിനുകള്‍ക്കുള്ളില്‍ നിന്നുകൊണ്ട് രണ്ടു മിനിട്ടിനുള്ളില്‍ സാമ്പിള്‍ ശേഖരിയ്ക്കാം. ഓരോ തവണയും കിറ്റുകള്‍ ഉപയോഗിയ്‌ക്കേണ്ടതുമില്ല.
5/ 6
കളമശേരി മെഡിക്കല്‍ കോളേജിലെ ഡോക്ടര്‍ ഗണേശാണ് ആശയത്തിന് പിന്നില്‍. ആലങ്ങാട് പഞ്ചായത്തിലെ ആരോഗ്യ കമ്മിറ്റി ചെയര്‍മാന്‍ കെ.എന്‍.ഷാനവാസ് മുന്‍കയ്യെടുത്തു. രണ്ടു വിസ്‌കുകളാണ് നിലവില്‍ ഉപയോഗത്തിന് സജ്ജമായിരിയ്ക്കുന്നത്.
6/ 6
റാപ്പിഡ് ടെസ്റ്റുകള്‍ക്കുള്ള സാമഗ്രികളെത്തിയാല്‍ കൂടുതല്‍ വിസ്‌കുകള്‍ നിര്‍മ്മിയ്ക്കാനുള്ള തയ്യാറെടുപ്പിലാണ് ജില്ലാ ഭരണകൂടം.
