കോവിഡ് കേസുകൾ 10,000 കടന്നു; പൂൾ ടെസ്റ്റിംഗിനൊരുങ്ങി രാജ്യം

ന്യൂഡൽഹി: കോവിഡ് കേസുകളുടെ എണ്ണം 10,000 കടന്നതോടു കൂടി സാമ്പിളുകളുടെ പൂൾ ടെസ്റ്റിംഗ് നടത്താനൊരുങ്ങി രാജ്യം. ഇന്ത്യൻ കൗൺസിൽ ഓഫ് മെഡിക്കൽ റിസർച്ച് (ഐസിഎംആർ) അംഗീകരിച്ച മാനദണ്ഡങ്ങൾക്കനുസൃതമായി കൊറോണ വൈറസ് സാമ്പിൾ പരിശോധന ഇനി പൂൾ ടെസ്റ്റിംഗ് വഴി നടത്തും

എന്താണ് പൂൾ ടെസ്റ്റിംഗ്? ഒറ്റയടിക്ക് അഞ്ചു സാമ്പിളുകൾ പരിശോധിക്കുന്നതിനാണ് പൂൾ ടെസ്റ്റിംഗ് എന്ന് പറയുന്നത്. രാജ്യത്തെ കേസുകളുടെ എണ്ണം 10,815 ആയതിനും മരണനിരക്ക് 353 ആയതിനും തൊട്ടുപിന്നാലെയാണ് ഈ പരിശോധനക്കായി രാജ്യം ഒരുങ്ങുന്നത്

രാജ്യത്തിപ്പോൾ 9,272 കേസുകൾ ആക്റ്റീവ് ആണ്. 1,189 പേർക്ക് അസുഖം ഭേദമായി. കഴിഞ്ഞ 24 മണിക്കൂറിനുള്ളിൽ 1,211 പുതിയ കേസുകൾ റിപ്പോർട്ട് ചെയ്യപ്പെട്ടു എന്ന് കേന്ദ്ര ആരോഗ്യമന്ത്രാലയം പുറപ്പെടുവിച്ച കണക്കിൽ പറയുന്നു. ലോക്ക്ഡൗൺ മെയ് മൂന്ന് വരെ നീട്ടിയിട്ടും കേസുകളുടെ എണ്ണം പെരുകുകയാണ്

ലോകമെമ്പാടുമുള്ള കോവിഡ് ഇന്ഫെക്ഷനുകളുടെ എണ്ണം രണ്ട് ദശലക്ഷം കടന്നു. അമേരിക്കയിൽ ജനസംഖ്യയുടെ 95 ശതമാനവും വീട്ടിൽ കഴിയുകയാണ്