കുടിയേറ്റ തൊഴിലാളികൾക്കു വേണ്ടിയുള്ള ട്രെയിനുകൾ കർണാടക റദ്ദാക്കി; നിർമാണ പ്രവർത്തനങ്ങൾ ആരംഭിക്കുമെന്ന് സൂചന

ബെംഗളൂരു: കുടിയേറ്റ തൊഴിലാളികളെ അവരുടെ സ്വന്തം നാടുകളിലേക്ക് എത്തിക്കുന്നതിനായി ഏർപ്പെടുത്തിയ എല്ലാ ട്രെയിനുകൾ കര്‍ണാടക റദ്ദാക്കി. മുഖ്യമന്ത്രി യെദ്യൂരപ്പ ബിൽഡർമാരുമായി നടത്തിയ കൂടിക്കാഴ്ചയ്ക്ക് ശേഷമാണ് തീരുമാനം.

മറ്റ് സംസ്ഥാനങ്ങളെ അപേക്ഷിച്ച് കർണാടകത്തിൽ COVID-19 സ്ഥിതി നിയന്ത്രണവിധേയമായിട്ടുണ്ടെന്നും. റെഡ്സോണുകൾ ഒഴികെ, മറ്റെല്ലാ മേഖലകളിലും ബിസിനസ്സ്, നിർമ്മാണ വ്യാവസായിക പ്രവർത്തനങ്ങൾ പുനരാരംഭിക്കേണ്ടതുണ്ടെന്നും യോഗത്തിനു ശേഷം യെദ്യൂരപ്പ വ്യക്തമാക്കി. ഈ സാഹചര്യത്തിൽ കുടിയേറ്റ തൊഴിലാളികളുടെ അനാവശ്യ യാത്രകൾ നിയന്ത്രിക്കേണ്ടതുണ്ടെന്നും അദ്ദേഹം വിശദീകരിച്ചു.

കുടിയേറ്റ തൊഴിലാളികൾക്കായി ബുധനാഴ്ചയുള്ള എല്ലാ ട്രെയിനുകളും റദ്ദാക്കണമെന്ന് ഇതിന്റെ ചുമതലയുള്ള നോഡൽ ഓഫീസർ ചൊവ്വാഴ്ച റെയിൽവേയോട് ആവശ്യപ്പെട്ടു. പതിനായിരക്കണക്കിന് കുടിയേറ്റ തൊഴിലാളികളാണ് ബിഹാറിലേക്ക് പോകാൻ തയ്യാറായിരുന്നത്. മൂന്നു ട്രെയിനുകളും സജ്ജമാക്കിയിരുന്നു. എന്നാൽ മുഖ്യമന്ത്രിയും ബിൽഡർമാരുായുള്ള കൂടിക്കാഴ്ചയ്ക്ക് ശേഷം ട്രെയിനുകൾ റദ്ദാക്കുകയായിരുന്നു- നോഡൽ ഓഫീസർ വ്യക്തമാക്കി.

നിർമാണ പ്രവർത്തനങ്ങള്‍ ഉടൻ പുനരാരംഭിക്കാൻ മുഖ്യമന്ത്രി നിർദേശം നൽകിയിട്ടുണ്ട്. ഇക്കാര്യം കുടിയേറ്റ തൊഴിലാളികളെ അറിയിച്ചതായും അദ്ദേഹം പറഞ്ഞു. ഇനിയും മടങ്ങിപ്പോകണം എന്ന് ആവശ്യമുള്ളവർ സ്വന്തമായി വാഹനങ്ങളെ ആശ്രയിക്കണമെന്നും അദ്ദേഹം വ്യക്തമാക്കി.

News18 മെയ് രണ്ടു മുതൽ അഞ്ചു ദിവസത്തേക്ക് ദിവസവും രണ്ട് ട്രെയിൻ വീതമാണ് കർണാടക സർക്കാർ ആവശ്യപ്പെട്ടിരുന്നത്. രാവിലെ 9 മണി, ഉച്ചയ്ക്ക് 12 മണി വൈകിട്ട് മൂന്നു മണി എന്നിങ്ങനെയാണ് ബിഹാറിലെ ധൻബാദിലേക്ക് ട്രെയിനുകൾ ഒരുക്കിയിരുന്നത്. ഇവയാണ് റദ്ദാക്കിയത്. 800 മുതൽ 1200 രൂപ വരെയാണ് ടിക്കറ്റ് നിരക്ക്.

പ്രതീകാത്മക രാജ്യത്തിന്റെ വിവിധ ഭാഗങ്ങളിൽ നിന്നും ബംഗ്ലാദേശിൽ നിന്നും നേപ്പാളിൽ നിന്നുമായി രണ്ട് ലക്ഷത്തിലധികം കുടിയേറ്റ തൊഴിലാളികൾ സംസ്ഥാനത്തുണ്ട്. ഇവരിൽ 80,000 ത്തിലധികം പേർ ഒറീസയിൽ നിന്നുള്ളവരും 70,000 പേർ ബിഹാറിൽ നിന്നുള്ളവരുമാണെന്ന് തൊഴിൽ വകുപ്പിന്റെ രേഖകൾ വ്യക്തമാക്കുന്നു.