Covid 19 | സീരിയൽ താരം അദിതി ഗുപ്തയ്ക്ക് കോവിഡ്; ഒരാഴ്ചയായി ക്വറന്‍റീനിലാണെന്ന് നടി

ഹിന്ദി സീരിയൽ താരം അദിതി ഗുപ്തയ്ക്ക് കോവിഡ് 19 സ്ഥിരീകരിച്ചു. സീ ടിവിയിൽ സംപ്രേഷണം ചെയ്ത 'ഹിറ്റ്ലർ ദീദി' എന്ന സീരിയലിലൂടെ ശ്രദ്ധ നേടിയ താരം പല സൂപ്പർഹിറ്റ് സീരിയലുകളുടെയും ടെലിവിഷൻ റിയാലിറ്റി ഷോകളുടെയും ഭാഗമായിരുന്നു

ഒരു മാധ്യമത്തിന് നൽകിയ അഭിമുഖത്തിലാണ് താൻ‌ കോവിഡ് ബാധിതയാണെന്ന വിവരം അദിതി വെളിപ്പെടുത്തിയത്. ഒരാഴ്ചയിലധികമായി ക്വറന്‍റീനിലാണെന്നും നടി പറഞ്ഞു

പ്രത്യേകിച്ച് രോഗലക്ഷണങ്ങളൊന്നും ഉണ്ടായിരുന്നില്ലെന്നാണ് അദിതി പറയുന്നത്. ഭക്ഷണത്തിന് മണമൊന്നും അറിയാതെ ആയി. ഇതിനെ തുടർന്നാണ് ക്വറന്‍റീനിൽ കഴിയാനും പരിശോധന നടത്താനും തീരുമാനിച്ചത്

പരിശോധനഫലം പോസിറ്റീവായിരുന്നു. കഴിഞ്ഞ ഏഴ്-എട്ട് ദിവസങ്ങളിലായി മുറിയിൽ തന്നെ കഴിയുകയാണ്' താരം പറയുന്നു. പത്ത് ദിവസം കൂടി ക്വറന്‍റീനിൽ തന്നെ കഴിയും.. 

ആദ്യം കുറച്ച് ബുദ്ധിമുട്ടുകൾ ഉണ്ടായിരുന്നുവെങ്കിലും ഡോക്ടർമാർ നൽകിയ എല്ലാ നിർദേശങ്ങളും കൃത്യമായി തന്നെ പാലിച്ചു വരികയാണ്. ആരോഗ്യകരമായ ഭക്ഷണവും കൃത്യസമയത്ത് മരുന്നുകളും കഴിക്കുന്നുണ്ട് എന്നും ഇപ്പോൾ ആരോഗ്യം മെച്ചപ്പെട്ടു തുടങ്ങിയെന്നും അദിതി വ്യക്തമാക്കി

കോവിഡ് ബാധിച്ചു എന്ന് കേട്ട് പരിഭ്രാന്തി വേണ്ട എന്ന ഉപദേശവും അദിതി നൽകുന്നുണ്ട്. അത്രയക്ക് നല്ല സാഹചര്യം ഒന്നും അല്ല എങ്കിലും പരിഭ്രാന്തരാകരുത്.. ഇക്കാര്യം തുറന്നു പറയാൻ മടി കാണിക്കരുതെന്ന് താരം കൂട്ടിച്ചേർത്തു

പ്രതിസന്ധി ഘട്ടത്തിൽ ഭർത്താവും സുഹൃത്തുക്കളും പിന്തുണയും കരുത്തും പകർന്ന് ഒപ്പം നിന്നുവെന്നും എത്രയും വേഗം തന്നെ സാധാരണ നിലയിലേക്ക് മടങ്ങിവരുമെന്നും അദിതി പറയുന്നു