ആഹാ, എന്താ ഒരു അച്ചടക്കം; ബിവറെജ് ക്യൂവിൽ അകലം പാലിച്ച് നിൽക്കുന്ന കുടിയൻമാർക്ക് കയ്യടിച്ച് സോഷ്യൽ മീഡിയ

കോവിഡ് ജാഗ്രതയുടെ ഭാഗമായി സാമൂഹിക അകലം നിലവിൽ വന്ന സാഹചര്യത്തിൽ ബിവറേജ് ക്യൂവിനു മുൻപിൽ അച്ചടക്കത്തോടെ വരിനിൽക്കുന്ന കുടിയൻമാർക്ക് കയ്യടിച്ച് സോഷ്യൽ മീഡിയ. സോഷ്യൽ മീഡിയയിൽ വൈറലായ പ്രധാന ഫോട്ടോകളിലും വീഡിയോകളിലും കേരളത്തിലെ ആളുകൾ ഒരു മദ്യശാലക്ക് മുന്നിൽ ഒരുകയ്യകലത്തിൽ നിൽക്കുന്നതാണ് കാണുന്നത്

മുൻപ് മദ്യശാലക്ക് പുറത്ത് കൂട്ടംകൂടി നിൽക്കുന്നതിനെ വിമർശിച്ച നടൻ അജു വർഗീസും ഈ സാമൂഹിക അകലത്തെ അഭിനന്ദിക്കുന്നുണ്ട്

കേരളത്തിൽ മാത്രമല്ല, തമിഴ്‌നാട്ടിലും സ്ഥിതി ഇതുപോലെ തന്നെ. സംവിധായകൻ വിഘ്‌നേശ് ശിവൻ പങ്കിട്ടിരിക്കുന്ന ഇൻസ്റ്റാഗ്രാം വിഡിയോയിൽ ഇത് കാണാം

നിലത്ത് വരച്ച വരയുടെ അടിസ്ഥാനത്തിൽ മദ്യശാലക്ക് മുൻപിൽ ക്യൂ നിൽക്കുന്ന ജനങ്ങൾ