വിവാഹ വാഗ്ദാനം നൽകി ഇരുപതുകാരിയെ പീഡനത്തിന് ഇരയാക്കി; സെക്സ്റാക്കറ്റിന് കൈമാറി

അഹമ്മദാബാദ്: വിവാഹ വാഗ്ദാനം നൽകി പെൺകുട്ടിയെ അഹമ്മദാബാദിലെത്തിച്ച് പീഡനത്തിനിരയാക്കിയ ശേഷം സെക്സ്റാക്കറ്റിന് കൈമാറി.

അസം സ്വദേശിയായ 20കാരിയാണ് പീഡനത്തിന് ഇരയായത്. 100ൽ വിളിച്ച് പെൺകുട്ടി സഹായം അഭ്യർഥിച്ചതിനെ തുടർന്ന് പൊലീസെത്തി അവരെ രക്ഷപ്പെടുത്തുകയായിരുന്നു.

വ്യാഴാഴ്ചയാണ് സംഭവം ഉണ്ടായത്. മൊബൈൽ നമ്പർ പിൻതുടർന്നെത്തിയാണ് പൊലീസ് പെൺകുട്ടിയെ രക്ഷപ്പെടുത്തിയത്. ഇവരെ പൊലീസ് സ്റ്റേഷനിൽ എത്തിച്ചു.

അസം സ്വദേശിയായ പെൺകുട്ടിയുടെ സഹോദരി ഹൈദരാബാദിൽ താമസിക്കുകയാണ്. പെൺകുട്ടി ഇവരെ കാണാനെത്താറുണ്ടായിരുന്നു. ഇതിനിടെ നല്ല കുടുംബത്തിലേക്ക് പെൺകുട്ടിയെ വിവാഹം കഴിപ്പിച്ച് അയക്കാമെന്ന വാഗ്ദാനം നല്‍കി സോനു എന്നയാൾ പെൺകുട്ടിയെ ഹൈദരാബാദിലെത്തിച്ചു.

ഇയാൾക്ക് പെൺകുട്ടിയുടെ കുടുംബത്തെ പറഞ്ഞ് സമ്മതിപ്പിക്കുകയായിരുന്നു. ഹൈദരാബാദിൽവെച്ച് ഇയാൾ പെൺകുട്ടിയെ ബലാത്സംഗം ചെയ്തു. അതിനുശേഷം സെക്സ് റാക്കറ്റ് നടത്തുകയായിരു ന്ന സ്ത്രീക്ക് കൈമാറി.

ഇവർ പെൺകുട്ടിയെ വിവിധ ഹോട്ടലുകളിൽ എത്തിച്ച് പലർക്കും കൈമാറുകയായിരുന്നു. അഹമ്മദാബാദ് മിറർ ആണ് വാർത്ത റിപ്പോർട്ട് ചെയ്തിരിക്കുന്നത്.

അതേസമയം സെക്സ്റാക്കറ്റ് നടത്തുന്ന സ്ത്രീയെ അന്വേഷിച്ച് ഇവരുടെ വീട്ടിൽ എത്തിയപ്പോൾ വീട് അടച്ചിട്ടിരിക്കുകയായിരുന്നുവെന്ന് പൊലീസ് പറഞ്ഞു.

പെൺകുട്ടിയുടെ മൊഴിയുടെ അടിസ്ഥാനത്തിൽ വിവിധ വകുപ്പുകൾ പ്രകാരം കേസെടുത്ത് അന്വേഷണം ആരംഭിച്ചതായി പൊലീസ് പറഞ്ഞു.