16കാരനായ വിദ്യാർത്ഥിയുമായി സെക്സിൽ ഏർപ്പെട്ടു; 26കാരിയായ അധ്യാപികയ്ക്ക് എതിരെ ബലാത്സംഗത്തിന് കേസ്

പതിനാറു വയസുകാരനായ വിദ്യാർത്ഥിയുമായി ലൈംഗികബന്ധത്തിൽ ഏർപെട്ട 26കാരിയായ അധ്യാപികയ്ക്ക് എതിരെ ബലാത്സംഗത്തിന് കേസ് എടുത്തു. സ്കൂളിലെ സ്പെഷ്യൽ എജ്യുക്കേഷൻ അധ്യാപികയ്ക്ക് എതിരെയാണ് കേസ് എടുത്തത്. ഒക് ലഹോമയിൽ നിന്നുള്ള സ്പെഷ്യൽ എജ്യുക്കേഷൻ അധ്യാപികയ്ക്ക് എതിരെയാണ് പതിനാറുകാരനുമായി സെക്സിൽ ഏർപെട്ടതിനും വിദ്യാർത്ഥിക്ക് നഗ്നസെൽഫി അയച്ചതിനും കേസ് എടുത്തത്.

തനിക്കെതിരെയുള്ള കുറ്റകൃത്യങ്ങൾക്ക് മറുപടി നൽകാൻ 26കാരിയായ ആൻ‌ഡി ലാന്റ്സ് കഴിഞ്ഞ ബുധനാഴ്ച കാഡോ കൗണ്ടി കോടതിയിൽ ഹാജരായിരുന്നു. കാർനെഗീ ഹൈസ്ക്കൂളിൽ അധ്യാപിക ആയിരുന്നു ലാന്റ്സ്. ലൈംഗിക ആരോപണങ്ങൾ ഉയർന്നതിനെ തുടർന്ന് നവംബർ പകുതിയോടെ ഇവർ ജോലിയിൽ നിന്ന് രാജി വച്ചിരുന്നു.

ഹൈസ്ക്കൂളിലെ പതിനാറുകാരനായ വിദ്യാർത്ഥിയുമായി ലാന്റ്സ് ലൈംഗികബന്ധത്തിൽ ഏർപ്പെട്ടതായി കാർനീഗി സ്കൂൾ സൂപ്രണ്ട് എറിക് സ്മിത്ത് പ്രാദേശിക പൊലീസിനെ അറിയിക്കുകയായിരുന്നു. കോടതി രേഖകൾ പ്രകാരം നവംബർ 16നാണ് കേസ് ആരംഭിച്ചത്. അധ്യാപികയുടെ നഗ്നഫോട്ടോ വിദ്യാർത്ഥി സ്കൂളിൽ പ്രചരിപ്പിക്കാൻ തുടങ്ങിയതോടെയാണ് ലാന്റിസിന് എതിരെ ആരോപണങ്ങൾ ഉയർന്നതെന്ന് സ്മിത്ത് പറഞ്ഞു.

ഫോട്ടോയെക്കുറിച്ച് ആദ്യം ചോദ്യം ചെയ്തപ്പോൾ ആൺകുട്ടിയും ലാന്റ്സും ഫോട്ടോയെക്കുറിച്ച് ഒരു അറിവുമില്ലെന്ന് പറയുകയും ആരോപണങ്ങൾ നിഷേധിക്കുകയും ചെയ്തു. എന്നാൽ, ആൺകുട്ടിയുമായി തനിക്ക് ഉചിതമല്ലാത്ത ബന്ധമുണ്ടെന്നും ലൈംഗികബന്ധത്തിൽ ഏർപെട്ടിട്ടുണ്ടെന്നും പിന്നീട് അധ്യാപിക സമ്മതിക്കുകയായിരുന്നു.

പ്രായപൂർത്തിയാകാത്ത വിദ്യാർത്ഥിയുമായി രണ്ടു - മൂന്നു തവണ ലൈംഗികബന്ധത്തിൽ ഏർപെട്ടതായും ലാന്റ്സ് സമ്മതിച്ചു. അതേസമയം, ആൺകുട്ടി ലാന്റ്സിന്റെ ക്ലാസിലെ വിദ്യാർത്ഥിയല്ലെന്ന് സൂപ്രണ്ട് പറഞ്ഞു. ഒക് ലഹോമയിൽ ലൈംഗികബന്ധത്തിൽ ഏർപ്പെടുന്നതിന് ആൺകുട്ടികളുടെ പ്രായം 16 ആണ്. പക്ഷേ, ഒരു അധ്യാപകനും വിദ്യാർത്ഥിയും തമ്മിൽ ലൈംഗിക ബന്ധത്തിൽ ഏർപ്പെടുന്നതിന് ഇത് ബാധകമല്ല.