ആദ്യം കുത്തിപ്പരിക്കേൽപ്പിച്ചു; തുടർന്ന് നാല് റൗണ്ട് വെടിവച്ചു: കളിയിക്കാവിളയിൽ നടന്നത് അതിക്രൂരമായ കൊലപാതകം 

കളിയിക്കാവിള: കേരള തമിഴ്നാട് അതിർത്തിയായ കളിയിക്കാവിളയിൽ എ എസ് ഐ യെ കൊലപ്പെടുത്തിയത് അതി ക്രൂരമായി. കളിയിക്കാവിളയിലെ മാർക്കറ്റ് റോഡിലെ പോലീസ് ഔട്ട്‌ പോസ്റ്റിൽ മൊബൈലിൽ നോക്കിയിരിക്കുകയായിരുന്ന എ എസ് ഐ യെ ആദ്യം കുത്തിപരിക്കേൽപ്പിച്ചു.

നെഞ്ചിലും കാലിലും കഴുത്തിലുമാണ് കത്തി കൊണ്ട് കുത്തിയത്. കത്തി കുത്തിൽ ഗുരുതരമായി പരിക്കേറ്റ എ എസ് ഐക്ക് നേരെ തുടർന്ന് നാല് റൗണ്ട് വെടിവച്ചു.

തലയിലും നെഞ്ചിലുമാണ് വെടിയേറ്റത്. വെടിയൊച്ച കേട്ട് സമീപത്തുള്ള കടയിലെ ഒരാൾ എത്തിയപ്പോഴേക്കും രണ്ട് പ്രതികളും ഓടി രക്ഷപ്പെട്ടിരുന്നു.

എ എസ് ഐ സംഭവ സ്ഥലത്ത് വച്ച് തന്നെ മരിക്കുകയും ചെയ്തു. രണ്ട് വെടിയുണ്ടകൾ ശരീരത്തിൽ തുളച്ചു കയറി പുറത്തു വന്നു. കത്തി കുത്തിൽ ആഴത്തിലുള്ള മുറിവ് ഉണ്ടായതായും പോസ്റ്റ്‌ മോർട്ടം റിപ്പോർട്ടിൽ പറയുന്നു.

പ്രത്യേക പരിശീലനം ലഭിച്ച തീവ്രവാദി സംഘടനകളിൽ പ്രവർത്തിക്കുന്നവർക്ക് മാത്രമേ ഇത്തരത്തിലൊരു ആക്രമണം നടത്താനാകുവെന്നാണ് പോലീസ് വിലയിരുത്തുന്നത്.