പെരിന്തൽമണ്ണയിൽ 35 ലക്ഷം രൂപയുടെ കുഴൽപ്പണവുമായി രണ്ടുപേർ അറസ്റ്റിൽ

മലപ്പുറം പെരിന്തൽമണ്ണയിൽ 35 ലക്ഷം രൂപയുടെ കുഴൽപ്പണവുമായി മഹാരാഷ്ട്ര സ്വദേശികളായ രണ്ടുപേരെ അറസ്റ്റ് ചെയ്തു. അബ്ബാസ് ജ്ഞാനദേവ പവാർ, അമോൾ എന്നീ രണ്ടുപേരെയാണ് ആണ് പെരിന്തൽമണ്ണ പോലീസ് സംഘം പിടികൂടിയത്

മലപ്പുറം ജില്ലാ പോലീസ് മേധാവിക് ലഭിച്ച രഹസ്യവിവരത്തിൻ്റെ അടിസ്ഥാനത്തിൽ പെരിന്തൽമണ്ണ സി.ഐ. സജിൻ ശശിയും സംഘവും നടത്തിയ വാഹനപരിശോധനയിലാണ് പെരിന്തൽമണ്ണ ഗവൺമെൻറ് ഹോസ്പിറ്റലിന് സമീപം ഹൗസിംഗ് കോളനിയിൽ വച്ച് പണവുമായി വന്ന സംഘത്തെ പോലീസ് പിടികൂടിയത്. ഇവർ പണം കടത്താൻ ഉപയോഗിച്ച വോക്സ്‌വാഗൺ കാറിൽ രഹസ്യ അറയിൽ സൂക്ഷിച്ച നിലയിലാണ് പണം കണ്ടെത്തിയത്

2000 രൂപയുടെയും 500രൂപ യുടെയും നോട്ടുകെട്ടുകൾ, രണ്ട് മൊബൈൽ ഫോൺ, വോക്‌സ് വാഗൺ കാർ. ID കാർഡുകൾ എന്നിവ  സഹിതമാണ് പിടികൂടിയത് (പ്രതീകാത്മക ചിത്രം)

മഹാരാഷ്ട്ര സ്വദേശികളായ രണ്ടുപേരും മലപ്പുറം ജില്ലയിലും പാലക്കാട് ജില്ലയിലുമായി സ്ഥിരതാമസക്കാരാണ്. ഇവരിൽ അബ്ബാസ് ജ്ഞാനദേവ പവാർ എന്നയാൾ പെരിന്തൽമണ്ണക്കടുത്ത് താഴെക്കോട് സ്ഥിരതാമസവും അമോൾ എന്നയാൾ മണ്ണാർക്കാടും സ്ഥിരതാമസക്കാരാണന്ന് പോലീസ് അറിയിച്ചു (പ്രതീകാത്മക ചിത്രം)

ജില്ലയുടെ പല ഭാഗത്തും വിതരണം ചെയ്യാൻ ഉള്ളതാണ് പണം എന്നവർ പോലീസിനോട് പറഞ്ഞു. ജില്ലയിലെ പല ഭാഗങ്ങളിലും കുഴൽപണമിടപാട് നടത്തുന്നവരാണ് ഇവരെന്നും ഇവർക്ക് അന്തർദേശീയ പണമിടപാട് സംഘവുമായി ബന്ധമുണ്ടോ എന്ന് പോലീസ് പരിശോധിച്ചുവരികയാണെന്നും സി.ഐ. സജിൻ ശശീ അറിയിച്ചു (പ്രതീകാത്മക ചിത്രം)