മിക്സിയിലും സ്പീക്കറിനുള്ളിലും ഒളിപ്പിച്ച് സ്വർണക്കടത്ത്; കരിപ്പൂരിൽ രണ്ടുപേർ പിടിയിൽ

മലപ്പുറം: കരിപ്പൂർ വിമാനത്താവളത്തിൽ സ്വർണം കടത്താൻ ശ്രമിച്ച രണ്ടുപേർ പിടിയിലായി. രണ്ട് പേരിൽ നിന്നായി മൂന്ന്  കിലോ സ്വർണം കസ്റ്റംസ് കണ്ടെടുത്തു.

നികുതി വെട്ടിച്ച് മിക്സിയിൽ ഒളിപ്പിച്ച് കടത്താൻ ശ്രമിച്ച നിലയിൽ ആയിരുന്നു രണ്ടു കിലോ മുന്നൂറ്റി അൻപത് ഗ്രാം സ്വർണം. മിക്സിക്കകത്തെ വൈൻഡിങിന്റെ രൂപത്തിലായിരുന്നു സ്വർണം.സൗദിയിൽ നിന്ന് അബുദാബി വഴി എത്തിഹാദ് വിമാനത്തിൽ  എത്തിയ കൊടുവള്ളി സ്വദേശി ഷാഹുൽ മൻസൂറാണ് പിടിയിലായത്. 

മറ്റൊരു സംഭവത്തിൽ സ്പീക്കറിനകത്ത് ഒളിപ്പിച്ച 650 ഗ്രാം സ്വർണവും പിടിച്ചെടുത്തു. മസ്കറ്റിൽ നിന്ന് ഒമാൻ എയർ വിമാനത്തിലെത്തിയ പാലക്കാട് ചാലിശ്ശേരി സ്വദേശി കെ.കെ.അഷറഫാണ് സ്വർണം കടത്തിയത്. ഇരുവരിൽ നിന്നുമായി പിടിച്ചെടുത്ത സ്വർണത്തിന് ഒരു കോടി ഇരുപത് ലക്ഷം വില വരും.