അഞ്ചു ദിവസത്തിൽ 50 ലക്ഷത്തിന്റെ സ്വർണം: കണ്ണൂർ വിമാനത്താവളത്തിൽ മലദ്വാരത്തിലൂടെ കടത്തിയത്

കണ്ണൂർ അന്താരാഷ്ട്ര വിമാനത്താവളം വഴി മലദ്വാരത്തിൽ ഒളിപ്പിച്ച സ്വർണം കടത്താനുള്ള ശ്രമം വ്യാപകമാകുന്നു. തുടരെത്തുടരെ കേസുകൾ റിപ്പോർട്ട് ചെയ്യുന്ന സാഹചര്യത്തിൽ കസ്റ്റംസ് പരിശോധന കർശനമാക്കി.

ഇന്ന് രാവിലെ മലദ്വാരത്തിൽ ഒളിപ്പിച്ചു കടത്താൻ ശ്രമിച്ച 20 ലക്ഷം രൂപയുടെ സ്വർണമാണ് പിടികൂടിയത്.

കസ്റ്റംസ് എസി, ഇ വികാസ് , സൂപ്രണ്ട്മാരായ കെ സുകുമാരൻ , സി വി മാധവൻ, സന്ദീപ് ഉദ്യോഗസ്ഥരായ അശോക് കുമാർ എൻ യദുകൃഷ്ണ, രാജു കെ വി , സോണിത് കുമാർ , മനീഷ് കുമാർ , ശ്രീരാജ് പി , സുമാവതി എന്നിവരടങ്ങിയ സംഘമാണ് സ്വർണക്കടത്ത് പിടികൂടിയത് ,

നാല് ദിവസം മുമ്പ് മലദ്വാരത്തിൽ ഒളിപ്പിച്ച് 29 ലക്ഷം രൂപയുടെ സ്വർണം കടത്താൻ ശ്രമം നടന്നിരുന്നു. കണ്ണൂർ, പെരിങ്ങത്തൂർ സ്വദേശി ഷമീം പുതിയോട്ടിലിനെയാണ് മാർച്ച് നാലിന് എയർ ഇൻറലിജൻസ് യൂണിറ്റ് വലയിലാക്കിയത്.

692 ഗ്രാം സ്വർണമാണ് പേസ്റ്റ് രൂപത്തിലാക്കിയാണ് മലദ്വാരത്തിൽ ഒളിപ്പിച്ചു വച്ചിരുന്നത്. കഴിഞ്ഞ മാസവും മലദ്വാരത്തിൽ ഒളിപ്പിച്ച് സ്വർണം കടത്താനുള്ള ഉള്ള ശ്രമം കസ്റ്റംസ് പിടികൂടിയിരുന്നു.

ഫിബ്രവരി 16 ന് കാഞ്ഞങ്ങാട് സ്വദേശി ഫൈസൽ മുന്നമ്മിൽ 947 ഗ്രാം സ്വർണമാണ് അനധികൃതമായി കടത്താൻ ശ്രമിക്കുമ്പോൾ പിടിയിലായത്.