ദൃശ്യം മോഡൽ കണ്ടെത്തൽ; പോലീസ് സ്റ്റേഷനിൽ കുഴിച്ചിട്ട നിലയിൽ മനുഷ്യന്റെ അസ്ഥികൂടം

ആരും കണ്ടെത്താതിരിക്കാൻ വരുൺ പ്രഭാകറിന്റെ മൃതദേഹം പണിനടന്നു കൊണ്ടിരിക്കുന്ന പോലീസ് സ്റ്റേഷന്റെ അടിയിൽ കുഴിച്ചിട്ട ജോർജ് കുട്ടിയുടെ ബുദ്ധിയാണ് ദൃശ്യം  എന്ന സിനിമയുടെ ആദ്യഭാഗത്തേയും രണ്ടാം ഭാഗത്തെയും ഹൈലൈറ്റ്. ആദ്യ ഭാഗം ഇറങ്ങിയപ്പോൾ തന്നെ ദൃശ്യം മോഡൽ കൊലപാതകങ്ങൾ പലയിടത്തായി നടന്നിരുന്നു. ഇപ്പോൾ സമാന സാഹചര്യത്തിൽ ഒരു കണ്ടെത്തൽ നടന്നിരിക്കുകയാണ്  (പ്രതീകാത്മക ചിത്രം)

പോലീസ് സ്റ്റേഷനിൽ പിടിച്ചെടുത്ത വാഹനങ്ങൾ സൂക്ഷിക്കുന്ന സ്ഥലം വൃത്തിയാക്കാൻ ആരംഭിച്ചപ്പോഴാണ് അസ്ഥികൂടം കണ്ടെത്തിയത്. മൂന്നു മുതൽ നാല് വർഷം വരെ പഴക്കമുള്ള അസ്ഥികൂടമാണ് . തലയോട്ടിയും കീഴ്പ്പോട്ടുള്ള ഭാഗങ്ങളും ആണ് ലഭിച്ചത് (തുടർന്ന് വായിക്കുക)

ക്രെയിൻ ഉപയോഗിച്ച് വാഹനങ്ങൾ നീക്കിയ ശേഷമായിരുന്നു വൃത്തിയാക്കൽ. ഗുജറാത്തിൽ സൂറത്തിലെ ഖത്തോദര പോലീസ് സ്റ്റേഷൻ പരിസരത്താണ് സംഭവം. രണ്ടു വർഷങ്ങൾക്ക് ശേഷമാണ് ഇവിടെ വൃത്തിയാക്കൽ നടക്കുന്നത്  (പ്രതീകാത്മക ചിത്രം)

പോലീസ് ഫോറൻസിക് സേവനം തേടിയിട്ടുണ്ട്. പക്ഷെ തുടയെല്ലിന്റെ ഭാഗം ലഭിച്ചിട്ടില്ല. അസ്ഥികൂടം സ്ത്രീയുടേതാണോ പുരുഷന്റേതാണോ എന്ന് കണ്ടെത്താൻ സാധിച്ചിട്ടില്ല. എപ്പോഴാണ് മരണം നടന്നത് എന്നും കണ്ടെത്തേണ്ടിയിരിക്കുന്നു  (പ്രതീകാത്മക ചിത്രം)

ചില ഭാഗങ്ങൾ കണ്ടെത്താൻ സാധിക്കാത്തതിനാൽ എപ്പോഴാണ് മരണം നടന്നത് എന്ന്  തിട്ടപ്പെടുത്തുക വെല്ലുവിളിയാണെന്ന് ഫോറെൻസിക്കും പറയുന്നു. വിശാലമായ സ്ഥലമായതിനാൽ, മറ്റു പോലീസ് സ്റ്റേഷനിലെ വാഹനങ്ങളും ഇവിടെ പാർക്ക് ചെയ്യാറുണ്ട് എന്ന് പോലീസ് പറഞ്ഞു  (പ്രതീകാത്മക ചിത്രം)