തമ്പാനൂര്‍ റെയിൽവേ സ്റ്റേഷനിൽ കുഴൽപ്പണ വേട്ട; ബംഗളൂരുവിലേക്ക് കടത്താൻ ശ്രമിച്ച 45 ലക്ഷം രൂപ പിടികൂടി

തിരുവനന്തപുരം : തമ്പാനൂർ റെയിൽവേ സ്റ്റേഷനിൽ കുഴൽപ്പണ വേട്ട . ബംഗളൂരുവിലേക്ക് കടത്താൻ ശ്രമിച്ച 45 ലക്ഷം രൂപ കേരള റെയിൽവേ പൊലീസ് പിടികൂടി.

ബംഗളൂരു നോർത്ത് എലഹങ്ക സ്വദേശി ഗംഗരാജുവിൽ നിന്നാണ് 45 ലക്ഷം രൂപ പിടിച്ചെടുത്ത് . തിരുവനന്തപുരം - ബംഗ്ലൂരു എക്സ്പ്രസിലെ യാത്രക്കാരനായിരുന്നു ഇയാൾ.

അഞ്ഞൂറിന്റേയും രണ്ടായിരത്തിന്റേയും നോട്ടുകളായിരുന്നു ബാഗിൽ ഉണ്ടായിരുന്നത്. ചോദ്യം ചെയ്യലിൽ പണത്തിന്റെ ഉറവിടം വ്യക്തമാക്കാൻ  കഴിഞ്ഞില്ല. തുടർന്നാണ് ഇയാളെ അറസ്റ്റു ചെയ്തത്.

ഒരാഴ്ചയായി റെയിൽവേ സ്റ്റേഷനിൽ നടന്ന സ്പെഷ്യൽ ഡ്രൈവിന്റെ ഭാഗമായുള്ള പരിശോധനയിലാണ് പണം പിടി കൂടിയത്. കേരള റെയിൽവേ പൊലീസ് ഇൻസ്പെക്ടർ ആസാദ് അബ്ദുൽ ക ലാം, എസ്ഐസുരേഷ്‌കുമാർ, പുഷ്കരൻ, അനിൽ,ശ്രീജിത്ത്, ജെറോം,സജു, വിവേക് എന്നിവരായിരുന്നു അന്വേഷണ സംഘത്തിൽ ഉണ്ടായിരുന്നത്.