വിവാഹിതയായ കാമുകിയെ കാണാൻ ആശുപത്രിയിലെത്തി; യുവാവ് ആറാം നിലയിൽ നിന്നും വീണുമരിച്ച നിലയിൽ

വിവാഹിതയായ കാമുകിയെ, അവർ ചികിത്സയിൽ കഴിഞ്ഞ ആശുപത്രിയിൽ പോയിക്കണ്ട യുവാവ് അതേ കെട്ടിടത്തിന്റെ ആറാം നിലയിൽ നിന്നും വീണുമരിച്ച നിലയിൽ. 22 കാരനായ യുവാവാണ് മരിച്ചത്. വെളുപ്പിന് 2.30ന് നടന്ന സംഭവത്തിന്റെ ദൃശ്യങ്ങൾ സി.സി.ടി.വിയിൽ പതിഞ്ഞിട്ടുണ്ട്. സംഭവം കണ്ട ആശുപത്രി അധികൃതർ പോലീസിനെ വിവരമറിയിച്ചു

സി.സി.ടി.വി. ദൃശ്യങ്ങളിൽ നിന്നും കാമുകിയെ കാണാൻ യുവാവ് ആശുപത്രിയിൽ എത്തുന്നതും, അതിനു ശേഷം ആറാം നിലയിൽ കയറിപ്പോകുന്നതും കാണാം. വീടിനടുത്തുള്ള വിവാഹിതയായ യുവതിയുമായി യുവാവ് പ്രണയത്തിലായിരുന്നു (തുടർന്ന് വായിക്കുക)

അഞ്ചാം നിലയിലായിരുന്നു കാമുകി ചികിത്സയിൽ കഴിഞ്ഞത്. രാജസ്ഥാനിലെ ഇക്റാൻ എന്ന സ്ഥലത്ത് താമസമാക്കിയ ചന്ദ്രപാൽ എന്നയാളാണ് മരിച്ചത്. ഭരത്പൂരിലാണ് സംഭവം നടന്നത്. ആശുപത്രിയിൽ എത്തിയതും ഇരുവരും ആലിംഗനബദ്ധരാവുകയും കുറച്ചുനേരം സംസാരിച്ചിരിക്കുകയും ചെയ്തു

ആറാം നിലയിലേക്ക് പോകും മുൻപ് യുവാവ് യുവതിക്ക് ഫ്ലയിങ് കിസ് നൽകി. ഇവിടെ നിന്നുമാണ് ഇയാൾ വീണുമരിച്ചത്. സുപ്പാരി ചവച്ച് തുപ്പാനായി ജനലിനു പുറത്തേക്ക് ഏന്തിയ യുവാവ് കാലുതെറ്റി വീണതാകാം എന്ന് അനുമാനിക്കുന്നു

പോലീസ് എത്തി മൃതശരീരം പോസ്റ്മോർട്ടത്തിനയച്ചു. ഇയാൾ മനഃപൂർവം ചാടിമരിച്ചതല്ല എന്നാണ് പ്രാഥമിക നിഗമനം