Gold Smuggling| കരിപ്പൂർ വിമാനത്താവളത്തിൽ വീണ്ടും പോലീസിൻറെ സ്വർണവേട്ട; ഇത്തവണ പിടികൂടിയത് രണ്ടര കിലോയിലധികം സ്വർണ്ണം

കോഴിക്കോട്: കസ്റ്റംസിനെ വെട്ടിച്ച് കരിപ്പൂര്‍ വിമാനത്താവളത്തിന് (Kozhikode International Airport)പുറത്തു കടത്തിയ സ്വർണ്ണം (Gold Smuggling) പോലീസ് പിടികൂടി.   കരിപ്പൂർ വിമാനത്താവളത്തിന് മുൻപിലെ എയിഡ് പോസ്റ്റിൽ നടത്തിയ പരിശോധനയിലാണ് രണ്ടര കിലോ സ്വര്‍ണം  പൊലീസ് പിടികൂടിയത്.

സ്വർണത്തിന്റെ മൂല്യം ഒന്നരക്കോടിയിലേറെ രൂപ വരും. കോഴിക്കോട് കിഴക്കോത്ത് സ്വദേശി ഹബീബ് റഹ്മാന്‍ , മലപ്പുറം എടപ്പറ്റ നൈഷാദ് ബാബു,കാസര്‍കോട് സ്വദേശി മുഹമ്മദ് അർഷാദ്, കൊയിലാണ്ടി സ്വദേശി മജീദ് എന്നിവരാണ് സ്വര്‍ണം കടത്തിയതിന് പോലീസ് പിടിയിൽ ആയത്.

സ്വർണത്തിന്റെ മൂല്യം ഒന്നരക്കോടിയിലേറെ രൂപ വരും. കോഴിക്കോട് കിഴക്കോത്ത് സ്വദേശി ഹബീബ് റഹ്മാന്‍ , മലപ്പുറം എടപ്പറ്റ നൗഷാദ് ബാബു,കാസര്‍കോട് സ്വദേശി മുഹമ്മദ് അർഷാദ്, കൊയിലാണ്ടി സ്വദേശി മജീദ് എന്നിവരാണ് സ്വര്‍ണം കടത്തിയതിന് പോലീസ് പിടിയിൽ ആയത്.

ഇവരെ കൊണ്ടുപോകാൻ വന്ന കോഴിക്കോട് സ്വദേശി ഹനീഫും   നവാസും ഇന്നോവ കാർ സഹിതമാണ് പിടിയിലായത്. കാസർകോട് സ്വദേശി മുഹമ്മദ് അർഷാദ്  410.8 ഗ്രാം സ്വർണമാണ് ആഭരണമായി കടത്താൻ ശ്രമിച്ചത്. ഇതിൽ വിലയേറിയ വൈറ്റും ഗോൾഡും ഉൾപ്പെടുന്നു. ഇയാളെ കൊണ്ടുപോകാൻ എത്തിയ കാസർകോട് സ്വദേശി അമ്നാനെ സ്വിഫ്റ്റ് കാർ സഹിതമാണ് പൊലീസ് പിടികൂടിയത്.

കോഴിക്കോട് സ്വദേശി മജീദ്  227.6  ഗ്രാം സ്വർണ്ണം ആണ് ആഭരണമായി കടത്താൻ ശ്രമിച്ചത്. ഇയാളെ കൂട്ടിക്കൊണ്ടുപോകാൻ എത്തിയ പൊന്നാനി സ്വദേശി ഹംസ , എടപ്പാൾ സ്വദേശി ഫർഹാൻ എന്നിവരും പിടിയിലായി.ഇവർ ഉപയോഗിച്ച സ്വിഫ്റ്റ് കാറും പൊലീസ് പിടികൂടിയിട്ടുണ്ട്.

സ്വർണം കാലിൽ കെട്ടിവെച്ചാണ് വയനാട് സ്വദേശി അബ്ദുൾ റസാഖ് കടത്താൻ ശ്രമിച്ചത്. 1 കിലോ 600 ഗ്രാം സ്വർണമാണ് ഇത്തരത്തിൽ ഇയാൾ കൊണ്ടുവന്നത് . ഇയാളെ കൊണ്ടുപോകാൻ വന്ന കോഴിക്കോട് സ്വദേശികളായ സുബൈറും ഫർഹാദും ആണ് പിടിയിൽ ആയിട്ടുള്ളത്.

കഴിഞ്ഞ ജനുവരി അവസാനം ആണ് പോലീസ് കരിപ്പൂർ വിമാനത്താവളത്തിൽ എയ്ഡ് പോസ്റ്റ് തുടങ്ങിയത്. അന്ന് മുതൽ ഇത് വരേക്കും 16 സ്വർണ കടത്ത് കേസുകൾ ആണ് പോലീസ് പിടികൂടിയിട്ടുള്ളത്. കസ്റ്റംസ് പരിശോധന പൂർത്തിയാക്കി പുറത്തിറങ്ങിയ 19 കാരിയർമാരാണ് പിടിയിലായത്.

കരിപ്പൂർ വിമാനത്താവളത്തിൽ കഴിഞ്ഞ ഒന്നര മാസത്തിനിടെ 14  കിലോയിലധികം സ്വർണമാണ് പൊലീസ് പിടിച്ചത്. വിമാനത്താവളത്തിന് പുറത്തെ പോസ്റ്റ് വഴിയുള്ള പോലീസിൻറെ ഈ സ്വർണവേട്ട കസ്റ്റംസിനെ സംബന്ധിച്ച് തലവേദനയാണ്. പോലീസ് പിടികൂടിയ സ്വർണത്തിന് തുടരന്വേഷണം നടപടികളാണ് കസ്റ്റംസിന് ബുദ്ധിമുട്ടുണ്ടാക്കുന്നത്.

സ്വർണ്ണം പോലീസ് പിടികൂടിയാലും തുടരന്വേഷണം കസ്റ്റംസിന്റെ ഉത്തരവാദിത്തമാണ്. പ്രതികളെയും തൊണ്ടി വാഹനങ്ങളും റിപ്പോർട്ട് സഹിതം പോലീസ് കസ്റ്റംസിന് കൈമാറും. പക്ഷേ സ്വർണം കോടതിയിലാണ് ഹാജരാക്കുക. കസ്റ്റംസ് കോടതിയിൽ അപേക്ഷ നൽകി സ്വർണ്ണം വാങ്ങിയ ശേഷമേ അന്വേഷണം തുടങ്ങൂ.

കസ്റ്റംസിനെ വെട്ടിച്ച് പുറത്തിരിക്കുന്ന സ്വർണമാണ് പോലീസ് പിടികൂടുന്നത് ഇത് കസ്റ്റംസിനു സംബന്ധിച്ച് ക്ഷീണമാണ്. പിടികൂടിയ സ്വർണം എല്ലാം യാത്രക്കാർ ക്യാപ്സൂൾ രൂപത്തിൽ ശരീരത്തിന് അകത്ത് ഒളിപ്പിച്ചുകൊണ്ട് വരുന്നവയാണ്. രഹസ്യ വിവരങ്ങളുടെ അടിസ്ഥാനത്തിലാണ് കസ്റ്റംസ് ഏറെയും സ്വർണം പിടിക്കുന്നത് എങ്കിൽ വിമാനത്താവള പരിസരത്ത് നിരീക്ഷണത്തിലൂടെ യും സംശയമുള്ളവരെ പിന്തുടർന്ന് ചോദ്യം ചെയ്തതാണ് പോലീസ് സ്വർണം പിടികൂടുന്നത്.

കസ്റ്റംസ് അന്വേഷണം സ്വർണ്ണ കടത്തുകാരിൽ ഒതുങ്ങുമ്പോൾ സ്വീകരിക്കാനെത്തിയവരും വാഹനങ്ങളും എല്ലാം പോലീസിൻറെ അന്വേഷണത്തിൽ പിടിയിലാകുന്നു. ജനുവരി 21ന് ഹെൽപ്പ് ഡെസ്ക് ആരംഭിച്ചശേഷം കസ്റ്റംസ് പിടികൂടിയതിനേക്കാളും  സ്വർണം പോലീസ് കരിപ്പൂരിൽനിന്ന് പിടികൂടിയിട്ടുണ്ട് എന്നാണ് കണക്കുകൾ.