'സഹോദരിയുടെ മകളെ പീഡിപ്പിച്ചു'; പരാതി മുൻനിര താരത്തിന്റെ സഹോദരനെതിരെ

അമ്മാവനും പ്രമുഖ ബോളിവുഡ് നടന്റെ ഇളയ സഹോദരനുമായ വ്യക്തി അനന്തരവളെ ലൈംഗികമായി പീഡിപ്പിച്ചുവെന്ന് പരാതി. ദില്ലി പോലീസിനാണ് യുവതി പരാതി നൽകിയിരിക്കുന്നത്

ബോളിവുഡ് നടൻ നവാസുദ്ദീൻ സിദ്ദിഖിയുടെ മരുമകൾ ആണ് പരാതിക്കാരി. നടനും കുടുംബവും തന്നെയും ഭർത്താവിന്റെ അച്ഛനമ്മമാരെയും മാനസികമായി പീഡിപ്പിച്ചുവെന്നും അവർ ആരോപിച്ചു. യുവതി പ്രായപൂർത്തിയാകാത്ത സമയത്തായിരുന്നു പീഡനം നടന്നതെന്നാണ് ആരോപണം. ഒരു മാധ്യമത്തിന് നൽകിയ അഭിമുഖത്തിൽ യുവതി പറയുന്നതിങ്ങനെ

"എനിക്ക് എന്താണ് സംഭവിക്കുന്നതെന്ന് എല്ലാവർക്കും ആ വീട്ടിൽ അറിയാമായിരുന്നു, ഞാൻ എല്ലാവരോടും എല്ലാം പറഞ്ഞിരുന്നു, പക്ഷേ ആരും ഒരു വാക്കും പറഞ്ഞില്ല. നവാസ് ബഡെ പപ്പയ്ക്ക് അദ്ദേഹം ജീവിക്കുന്ന സാഹചര്യങ്ങൾ അനുസരിച്ച് വ്യത്യസ്തമായ ഒരു മാനസികാവസ്ഥയുണ്ടാകുമെന്ന് ഞാൻ കരുതി. പക്ഷെ 'എന്റെ സഹോദരന് അത്തരത്തിലുള്ള ഒന്നും ചെയ്യാൻ കഴിയില്ല' എന്നായിരുന്നു അദ്ദേഹത്തിന്റെ പ്രതികരണം

"എനിക്ക് അന്ന് 13 വയസ്സായിരുന്നു, 13 വയസുള്ള ഒരു പെൺകുട്ടി എന്തിനാണ് ഇതിനെക്കുറിച്ച് നുണ പറയുന്നത്? 'ഇത്തരം ആരോപണങ്ങൾ ഉന്നയിക്കാൻ നീ ഏത് സിനിമയാണ് കാണുന്നത്? എന്നായിരുന്നു വാസ്തവത്തിൽ അദ്ദേഹം എന്നോട് ചോദിച്ചത്

ഒൻപതാം വയസ്സിൽ തന്നെ ലൈംഗികമായി ദുരുപയോഗം ചെയ്യാൻ ആരംഭിച്ചതായും, യുവതി പറയുന്ന കാര്യങ്ങൾ കുടുംബാംഗങ്ങൾ വിശ്വസിക്കാത്തപ്പോഴാണ് അയാൾ കൂടുതൽ ആക്രമണകാരിയായതെന്നും ഇവർ അവകാശപ്പെട്ടു. അയാൾക്കെതിരെ ചുമത്തിയ ഏറ്റവും മോശം ലൈംഗിക പീഡനങ്ങളിലൊന്നിൽ തന്നെ ബെൽറ്റ് ഉപയോഗിച്ച് മർദ്ദിച്ചുവെന്നും അവർ ആരോപിച്ചു

വിവാഹം കഴിച്ചതിനുശേഷവും കുടുംബം തന്നെ ഉപദ്രവിച്ചതായും അവർ ആരോപിച്ചു

നവാസുദ്ദീനുമായി വേർപിരിഞ്ഞ ഭാര്യ ആലിയ യുവതിയുടെ പക്ഷം പിന്തുണയുമായി എത്തിയിട്ടുണ്ട്. അതേസമയം, നവാസുദ്ദീന്റെ സഹോദരൻ ഷമാസ് യുവതി നുണ പ്രചരിപ്പിച്ചുവെന്ന് ആരോപിച്ചു