ആറ് വർഷം മുൻപ് ലൈംഗികമായി പീഡിപ്പിച്ചു; പ്രശസ്ത യുവനടനെതിരെ ആരോപണവുമായി യുവതി

ഒറ്റചിത്രത്തിലെ അഭിനയത്തിലൂടെ ശ്രദ്ധേയനായ യുവനടൻ പ്രായപൂർത്തിയാവാത്ത പെൺകുട്ടിയെ ലൈംഗികമായി പീഡിപ്പിച്ചെന്ന് പരാതി. ആറ് വർഷം മുൻപ് നടന്ന സംഭവമാണിതെന്ന ആരോപണവുമായി യുവതി ട്വിറ്ററിലെത്തി. യുവതിയുടെ പക്കൽ ആരോപണങ്ങളുടെ നീണ്ട പട്ടിക തന്നെയുണ്ട്

'ദി ഫോൾട്ട് ഇൻ ഔർ സ്റ്റാർസ്' എന്ന സിനിമയിലെ പ്രകടനത്തിന് ശ്രദ്ധപിടിച്ചു പറ്റിയ അൻസൽ ആൽഗോർട്ട് ആണ് ആരോപണവിധേയൻ. സംഭവം നടക്കുമ്പോൾ യുവതിക്ക് 17 വയസായിരുന്നു പ്രായം. തന്റെ പതിനേഴാം പിറന്നാളിന് ഏതാനും നാൾ മുൻപ് സ്നാപ്ചാറ്റ് വഴിയായിരുന്നു താരത്തെ പരിചയപ്പെട്ടതെന്ന് യുവതി

വേദന കൊണ്ട് പുളയുകയും തേങ്ങുകയും ചെയ്തിട്ടും അയാൾ തന്നെ പീഡനത്തിനിരയാക്കി. ഗാബി എന്ന പേരിലാണ് യുവതി ദീർഘമായ ട്വീറ്റുകൾ പോസ്റ്റ് ചെയ്തിരിക്കുന്നത്. താൻ ആദ്യമായിരുന്നു സെക്സിലൂടെ കടന്നു പോയത്. വേദനകൊണ്ടു തേങ്ങിയപ്പോഴും അതവസാനിപ്പിച്ചാലോ എന്നയാൾ ചോദിച്ചില്ല. താൻ അത്തരമൊരനുഭവത്തിനു മാനസികമായി തയാറായിരുന്നില്ല

മനസ്സിൽ ഞെട്ടലുളവാക്കിയ സംഭവത്തെ തുടർന്ന് താൻ അയാളിൽ നിന്നും അകന്നു. സെക്സ് എന്നാൽ അത്തരമൊരനുഭവമെന്നാണ് അയാൾ കാട്ടി തന്നത്

യുവതിയുടെ ആരോപണത്തിൽ നടന്റെ ഔദ്യോഗിക വക്താക്കൾ പ്രതികരിച്ചിട്ടില്ല

'ദി ഗോൾഡ് ഫ്ലിഞ്ചിന്റെ' അവലംബിത ചിത്രത്തിൽ അൻസൽ വേഷമിട്ടു കഴിഞ്ഞു. എച്ച്.ബി.ഒ. മാക്സ് സീരീസ്, ഡിസ്‌നി ചിത്രം എന്നിവയും അൻസലിന്റേതായുണ്ട്