അമ്മായിയമ്മയെ മരുമകൻ ബലാത്സംഗം ചെയ്തു; അറസ്റ്റ് ഭയന്ന് ആത്മഹത്യയ്ക്ക് ശ്രമിച്ചു

ചെന്നൈ: വിധവയായ അമ്മായിയമ്മയെ മരുമകൻ ബലാത്സംഗം ചെയ്തു. തമിഴ്നാട്ടിലെ കടല്ലൂർ ജില്ലയിലാണ് അമ്പതു വയസുള്ള അമ്മായിയമ്മയെ മുപ്പത്തിയൊമ്പതു വയസുള്ള മരുമകൻ ബലാത്സംഗം ചെയ്തത്. ബലാത്സംഗം ചെയ്തതിന് എതിരെ അമ്മായിയമ്മ പരാതി നൽകിയതിനെ തുടർന്ന് മരുമകൻ ആത്മഹത്യയ്ക്ക് ശ്രമിച്ചു.

ഇരുവരും ഒരേ ഗ്രാമത്തിൽ താമസിക്കുന്നവരാണ്. ഞായറാഴ്ച അമ്മായിയമ്മയുടെ വീട്ടിലെത്തിയ യുവാവ് അവരെ ബലാത്സംഗം ചെയ്യുകയായിരുന്നു. ആന്തരിക മുറിവുകൾ ഉണ്ടായതിനെ തുടർന്ന് സ്ത്രീയെ കടല്ലൂർ സർക്കാർ ജനറൽ ആശുപത്രിയിൽ പ്രവേശിപ്പിച്ചു. തുടർന്ന് ആശുപത്രി അധികൃതരാണ് സംഭവത്തെക്കുറിച്ച് പൊലീസിനെ അറിയിച്ചത്.

പരാതി നൽകിയതിനെ തുടർന്ന് പൻരുതി വനിത പൊലീസ് സ്റ്റേഷനിലെ ഉദ്യോഗസ്ഥർ എത്തുകയും പ്രാഥമികാന്വേഷണം നടത്തുകയും ചെയ്തു. ബലാത്സംഗത്തിന് ഇരയായ സ്ത്രീ നൽകിയ വിവരം അനുസരിച്ച് ഐ പി സി സെക്ഷൻ 376 അനുസരിച്ച് പ്രതിക്കെതിരെ കേസ് രജിസ്റ്റർ ചെയ്തു.

തനിക്കെതിരെ പൊലീസിൽ കേസ് രജിസ്റ്റർ ചെയ്തത് മരുമകൻ അറിഞ്ഞു. തുടർന്ന് പൊലീസ് നടപടിയെ ഭയന്ന് ആത്മഹത്യയ്ക്ക് ശ്രമിക്കുകയായിരുന്നു. എന്നാൽ, അയൽവാസികളുടെ സമയോചിതമായ ഇടപെടൽ മൂലം ഇയാളെ മരണത്തിൽ നിന്ന് തടയാൻ കഴിഞ്ഞു. തുടർന്ന് ഇയാളെ സർക്കാർ ജനറൽ ആശുപത്രിയിൽ പ്രവേശിപ്പിച്ചു.

വീണ്ടും ബലാത്സംഗം - അതേസമയം, മറ്റൊരു സംഭവത്തിൽ നാലു പുരുഷൻമാർ ചേർന്ന് 25 വയസുള്ള യുവതിയെ കൂട്ടബലാത്സംഗം ചെയ്തു. ഹരിയാനയിലെ ഗുഗുഗ്രാമിലാണ് സംഭവം. ക്രൂരമായ മർദ്ദനത്തിൽ യുവതിയുടെ തലയ്ക്ക് ഗുരുതരമായി പരിക്കേൽക്കുകയും ചെയ്തു. സംഭവത്തിൽ നാലു പ്രതികളെയും അറസ്റ്റ് ചെയ്തതായി പൊലീസ് പറഞ്ഞു.