Kerala Gold| 625 പവൻ സ്വർണമണിഞ്ഞ നവവധുവായി സ്വപ്നയുടെ വിവാഹ ഫോട്ടോ കോടതിയിൽ

കൊച്ചി: സ്വർണക്കടത്ത് കേസിൽ സ്വപ്നയുടെ വീട്ടിലും ബാങ്ക് ലോക്കറുകളിലും അന്വേഷണ ഏജൻസികളായ കസ്റ്റംസും എൻഐഎയും നടത്തിയ റെയ്ഡിൽ 2 കിലോ സ്വർണ്ണാഭരണക്കളും ഒരു കോടി രൂപയും ബാങ്ക് നിക്ഷേപങ്ങളുടെ സർട്ടിഫിക്കറ്റുകളും കണ്ടെടുത്തിരുന്നു. ഈ സ്വർണ്ണം കള്ളക്കടത്ത് സ്വർണ്ണമാണെന്നായിരുന്നു എൻ.ഐ.എയുടെ വാദം.

ഇതിനെ എതിർക്കാനാണ് സ്വപ്ന സുരേഷിൻ്റെ അഭിഭാഷകൻ എന്‍ഐഎ കോടതിയിൽ സ്വപ്നയുടെ വിവാഹ ഫോട്ടോ  സമർപ്പിച്ചത്.

അന്ന് സ്വപ്നയുടെ ശരീരത്തിൽ 5 കിലോഗ്രാം സ്വർണ്ണമുണ്ടെന്നാണ് വാദം. ഈ സ്വർണ്ണാഭരണങ്ങൾ തന്നെയാണ് അന്വേഷണ ഏജൻസികൾ കണ്ടെടുത്തതെന്നും ഇവർ വാദിക്കുന്നു.

എന്നാൽ ഫോട്ടോ കണ്ട് സ്വർണം എത്രയുണ്ടെന്ന് പറയാനാവില്ലെന്നാണ് എൻഐഎയുടെ വാദം. മാത്രമല്ല ഇത് സ്വർണമാണെന്നതിനും തെളിവില്ല.

ഇത്രയും സ്വർണം വാങ്ങിയതിൻ്റെ രേഖകൾ ഇല്ലെന്നും അന്വേഷണ ഏജൻസികൾ പറയുന്നു.