മദ്യത്തിനു വേണ്ടി എട്ട് കൗമാരക്കാരികൾ യുവാവിനെ ആക്രമിച്ച് കൊലപ്പെടുത്തി

മദ്യത്തിന് വേണ്ടി എട്ട് കൗമാരക്കാരികൾ ചേർന്ന് യുവാവിനെ വെട്ടിക്കൊലപ്പെടുത്തി (man stabbed to death). 2022 ഡിസംബർ മാസത്തിൽ നടന്ന കൊലപാതകത്തിൽ കൊല്ലപ്പെട്ടയാളെ പോലീസ് അടുത്തിടെ മാത്രമേ തിരിച്ചറിഞ്ഞുള്ളൂ. ഭവനരഹിതനായ വ്യക്തിയാണ് കൊല്ലപ്പെട്ടത്. റെയിൽവേ സ്റ്റേഷന് അടുത്തുവച്ച് 13നും 16നും ഇടയിൽ പ്രായമുള്ള പെൺകുട്ടികൾ ചേർന്നാണ് കൊലപാതകം നടത്തിയത്

ഭവനരഹിതർക്കു വേണ്ടിയുള്ള ഷെൽട്ടർ ഹോമിൽ താമസിക്കുകയായിരുന്നു അദ്ദേഹം. നിയമപ്രകാരം പെൺകുട്ടികളുടെ പേരുവിവരങ്ങൾ രഹസ്യമാക്കി വച്ചിരിക്കുകയാണ്. ഇയാൾ കയ്യിൽ മദ്യം സൂക്ഷിച്ചതാണ് മരണത്തിലേക്ക് നയിച്ചത്. സംഭവങ്ങളുടെ വിവരണമിങ്ങനെ... (തുടർന്ന് വായിക്കുക)

സ്വാമിങ് സ്റ്റൈൽ പ്രകാരമായിരുന്നത്രെ കൊലപാതകം. കെൻ ലീ എന്നയാളാണ് കാനഡയിൽ കൊല്ലപ്പെട്ടത്. ഡിസംബറിലെ തണുപ്പുള്ള രാത്രിയിലാണ് കൊലപാതകം നടന്നത്

ഡിസംബർ 18 ന് പുലർച്ചെ കാനഡയിലെ ഏറ്റവും വലിയ നഗരത്തിലെ പ്രധാന റെയിൽവേ സ്റ്റേഷന് സമീപമുള്ള ഒരു പ്ലാസയിൽ 13 നും 16 നും ഇടയിൽ പ്രായമുള്ള എട്ട് കൗമാരക്കാരായ പെൺകുട്ടികൾ ലീയെ കുത്തിയതായി റിപ്പോർട്ട് ചെയ്യപ്പെട്ടു

സെക്കന്റ് ഡിഗ്രി കൊലപാതക കുറ്റമാണ് ഇവർക്ക് മേലുള്ളത്. സോഷ്യൽ മീഡിയയിൽ പരിചയപ്പെട്ട ഇവർ നഗരത്തിന്റെ വിവാദ ഭാഗങ്ങളിൽ നിന്നുള്ളവരാണ്. അന്ന് വൈകുന്നേരം ഒത്തുകൂടാനുള്ള കാരണമെന്തെന്ന് വ്യക്തമല്ല

ലീക്കെതിരായ ആക്രമണം നഗരത്തെ ഞെട്ടിച്ചു. ടൊറന്റോ മേയർ ജോൺ ടോറി സംഭവത്തിൽ ഖേദം പ്രകടിപ്പിച്ചു. സിറ്റി സെന്ററിന് സമീപമുള്ള ചർച്ച് ഓഫ് ഹോളി ട്രിനിറ്റിയുടെ ടൊറന്റോ ഹോംലെസ് മെമ്മോറിയലിൽ ചൊവ്വാഴ്ച ലീയുടെ പേര് ഉൾപ്പെടുത്തി