മോർഫ് ചെയ്ത ചിത്രങ്ങൾ ഉപയോഗിച്ച് സ്ത്രീകളെ ബ്ലാക്ക് മെയിൽ ചെയ്ത് പണം തട്ടി; രണ്ടുപേർ അറസ്റ്റിൽ
തന്റെ അശ്ലീല ചിത്രങ്ങൾ അയച്ച് പണം നൽകിയില്ലെങ്കിൽ സോഷ്യൽ മീഡിയയിൽ വൈറലാക്കുമെന്ന് പ്രതി ഭീഷണിപ്പെടുത്തിയതായി ഒരു സ്വകാര്യ എയർലൈൻസിൽ ജോലി ചെയ്യുന്ന യുവതി പരാതി നൽകി.
News18 Malayalam | November 24, 2020, 8:07 PM IST
1/ 7
മോർഫ് ചെയ്ത ചിത്രങ്ങൾ സോഷ്യൽ മീഡിയ വെബ്സൈറ്റിൽ പോസ്റ്റ് ചെയ്യുമെന്ന് ഭീഷണിപ്പെടുത്തി സ്ത്രീകളിൽ നിന്ന് പണം തട്ടിയെടുത്ത കേസിൽ 20 കാരനും സുഹൃത്തും അറസ്റ്റിൽ. ഡൽഹിയിലാണ് സംഭവം.
2/ 7
ഓൺലൈന് വഴി ഉപഭോക്താക്കൾക്ക് വായ്പ നൽകുന്ന ഒരു സ്ഥാപനത്തിൽ ജോലി നോക്കിയിരുന്ന ഷോയിബ് അക്തർ എന്നയാളും സുഹൃത്തുമാണ് അറസ്റ്റിലായത്. കോവിഡ് ലോക്ക്ഡൗണിനെ തുടർന്ന് ഇയാൾക്ക് ജോലി നഷ്ടമായിരുന്നു.
3/ 7
ഇതിനു പിന്നാലെ ഷോയിബ് അക്തർ തന്റെ മുൻ കമ്പനിയുടെ ഡാറ്റാബേസ് ദുരുപയോഗം ചെയ്യുകയും കമ്പനി ക്ലയന്റുകളെ ലക്ഷ്യം വയ്ക്കുകയും ചെയ്തതായി പൊലീസ് പറഞ്ഞു.
4/ 7
ഇയാൾ, നസീമുൾ ഹകുൽ, ജബ്ബാർ എന്നീ രണ്ട് പേർക്കൊപ്പം ചേർന്ന് സ്ത്രീകളുടെ അശ്ലീല ചിത്രങ്ങൾ അയച്ചു കൊടുക്കുകയും സമൂഹമാധ്യമങ്ങളിലൂടെ പ്രചരിപ്പിക്കുമെന്ന് ഭീഷണിപ്പെടുത്തി ആളുകളിൽ നിന്ന് പണം തട്ടിയെടുക്കാൻ ഗൂഢാലോചന നടത്തിയതായും പൊലീസ് പറഞ്ഞു.
5/ 7
ഷോയിബ് അക്തർ, നസീമുൾ ഹക്കുൾ എന്നിവരാണ് അറസ്റ്റിലായത്. മൂന്നാമത്തെയാൾക്കായി തെരച്ചിൽ ആരംഭിച്ചു. വെള്ളിയാഴ്ച ജഹാംഗീർപുരി നിവാസിയായ യുവതി പരാതി നൽകിയതോടെയാണ് സംഭവം പുറത്തറിഞ്ഞത്.
6/ 7
തന്റെ അശ്ലീല ചിത്രങ്ങൾ അയച്ച് പണം നൽകിയില്ലെങ്കിൽ സോഷ്യൽ മീഡിയയിൽ വൈറലാക്കുമെന്ന് പ്രതി ഭീഷണിപ്പെടുത്തിയതായി ഒരു സ്വകാര്യ എയർലൈൻസിൽ ജോലി ചെയ്യുന്ന യുവതി പരാതി നൽകി.
7/ 7
ഗുഡ്ഗാവിൽ ശനിയാഴ്ച നടത്തിയ പരിശോധനയിലാണ് ഷോയിബ് അക്തറും നസീമുൾ ഹക്കും അറസ്റ്റിലായത്. മൂന്നാമത്തെയാൾക്കായി തെരച്ചിൽ ആരംഭിച്ചു. നാല് മൊബൈൽ ഫോണുകളും രണ്ട് ലാപ്ടോപ്പുകളും നിരവധി സിംകാർഡുകളും ഇവരിൽ നിന്ന് പിടിച്ചെടുത്തു. 45 പേരിൽ നിന്നായി 12 ലക്ഷം രൂപ തട്ടിയെടുത്തതായി ഇവർ സമ്മതിച്ചു.