Kerala Elephant Death | പത്തനാപുരത്തെ കാട്ടാന ചരിഞ്ഞത് പന്നിപ്പടക്കം പൊട്ടി; മൂന്നംഗ നായാട്ടുസംഘം പിടിയിൽ

പാലക്കാട്ട് ഗർഭിണിയായ ആന പടക്കം ഒളിപ്പിച്ച പൈനാപ്പിൾ ഭക്ഷിച്ച്  ചരിഞ്ഞ നൊമ്പരം നിലനിൽക്കെയാണ് സമാന രീതിയിൽ നേരത്തെ നടന്ന മറ്റൊരു സംഭവത്തിൽ മൂന്നംഗ സംഘം പിടിയിലായത്.

ഒന്നര  മാസം മുൻപ് പത്തനാപുരം കറവൂരിൽ പന്നിപ്പടക്കം ഭക്ഷിച്ച് ആന ചരിഞ്ഞിരുന്നു. അർബുദ ബാധയെന്ന് ആദ്യം കരുതിയെങ്കിലും സ്ഫോടകവസ്തുവിൻ്റെ അംശം വിശദ പരിശോധനയിൽ കണ്ടെത്തി.

കാട്ടുപന്നിയെയും മ്ലാവിനെയും വേട്ടയാടാൻ വച്ച പടക്കം ആന ഭക്ഷിക്കുകയായിരുന്നു. നായാട്ടു സംഘത്തിലെമൂന്നു പേർ അറസ്റ്റിലായി. കറവൂർ സ്വദേശികളായ അനിമോൻ, രഞ്ജിത്ത്, ശരത്ത് എന്നിവരാണ് അറസ്റ്റിലായത്.

പ്രതികളിൽ നിന്ന് നാടൻ തോക്ക് ഉൾപ്പെടെ ആയുധങ്ങൾ പിടിച്ചെടുത്തു. രണ്ടുപേർ ഒളിവിലാണ്.ശരത്തിൻ്റെ വീട്ടിൽ നിന്ന് പെരുമ്പാമ്പിൻ്റെ നെയ്യ് കണ്ടെടുത്തു.

കാടിനുള്ളിൽ അവശനിലയിൽ കണ്ടെത്തിയ ആന ഏപ്രിൽ പതിനൊന്നിനാണ് ചരിഞ്ഞത്. പ്രതികളെ പുനലൂർ ഫോറസ്റ്റ് കോടതിയിൽ ഹാജരാക്കി.