വളർത്തുനായയെ കൊന്നശേഷം ജഡം കായലിലിടാൻ പോയ യുവതി കാൽവഴുതി വീണ് മരിച്ചു

സ്വന്തം വളർത്തുനായയെ (pet dog) കൊന്ന ശേഷം ജഡം കായലിൽ മറവു ചെയ്യാൻ ശ്രമിച്ച യുവതി അതേ കായലിൽ കാൽവഴുതി വീണ് മരിച്ചു. തന്നെയും തന്റെ ഇളയ കുഞ്ഞിനേയും നായ കടിച്ചതിന്റെ ദേഷ്യത്തിലാണ് യുവതി നായയെ കൊന്നതെന്നാണ് റിപ്പോർട്ട്. ഏറെ നേരമായും ഭാര്യയെ കാണാത്തതിനെ തുടർന്ന് ഭർത്താവ് അന്വേഷിച്ചിറങ്ങിയിരുന്നു

യുവതി എവിടെ പോയി എന്ന് ഭർത്താവിന് അറിയില്ലായിരുന്നു. ഒടുവിൽ കായൽക്കരയിലെത്തിയതും ഭാര്യയുടെ ചെരുപ്പ് കരയിൽ കിടക്കുന്നത് ശ്രദ്ധയിൽപ്പെടുകയായിരുന്നു (തുടർന്ന് വായിക്കുക)

ഉത്തർപ്രദേശിലെ ലക്നൗവിലാണ് സംഭവം നടന്നത്. മരിച്ചത് റൂബി എന്ന യുവതിയാണെന്നു തിരിച്ചറിഞ്ഞു

ഭാര്യയുടെ മൃതദേഹം ഭർത്താവ് നാട്ടുകാരുടെ സഹായത്തോടെ കായലിൽ നിന്നും വലിച്ച് പുറത്തിടുകയായിരുന്നു. ശേഷം പോലീസിനെ വിവരമറിയിച്ചു. യുവതി കാൽവഴുതി വീണു എന്നാണ് പോലീസിന്റെ പ്രാഥമിക നിഗമനം

മരണകാരണം കണ്ടെത്തുന്നതിനായി മൃതദേഹം പോസ്റ്റ്‌മോർട്ടത്തിനായി അയച്ചിട്ടുണ്ടെന്നും പോസ്റ്റ്‌മോർട്ടം റിപ്പോർട്ട് പരിശോധിച്ച ശേഷം തുടർനടപടി സ്വീകരിക്കുമെന്നും കിഴക്കൻ മേഖലാ എഡിസിപി സയ്യിദ് അലി അബ്ബാസ് പറഞ്ഞു