Abhaya Hiranmayi | 'ഗോപിയുടെ അടുത്ത് പാടാൻ പോയി 12 വർഷം കളഞ്ഞില്ലേ?' കമന്റിന് മറുപടി കൊടുത്ത് അഭയ ഹിരണ്മയി

പ്രേക്ഷകർക്കും ആരാധകർക്കും സോഷ്യൽ മീഡിയ ഉപയോക്താക്കൾക്കും ഏറെ സുപരിചിതയാണ് ഗായിക അഭയ ഹിരണ്മയി (Abhaya Hiranmayi). ജീവിതത്തെ ഒരു പുഞ്ചിരിയോടെ നോക്കിക്കാണുന്ന വ്യക്തിയായാണ് അഭയയെ ആരാധകർക്ക് പരിചയം. ഒരു പതിറ്റാണ്ടിലേറെയായി സംഗീത സംവിധായകൻ ഗോപി സുന്ദറുമൊത്തുള്ള ജീവിതത്തിന്റെ പേരിൽ അഭയ വാർത്തകളിൽ ഇടം നേടിയിരുന്നു. എന്നാൽ ഈ വർഷം അവരുടെ ജീവിതത്തിൽ ഏറെ മാറ്റങ്ങൾ പ്രകടമായി

കുറച്ചു മാസങ്ങൾക്കു മുൻപാണ് ഗോപി ഗായിക അമൃതയ്‌ക്കൊപ്പം ജീവിതമാരംഭിച്ചു എന്ന വിവരം സോഷ്യൽ മീഡിയ വഴി പുറത്തുവിട്ടത്. ഇവർ വിവാഹം ചെയ്തു എന്ന മട്ടിലും വാർത്തകൾ പ്രചരിച്ചു. സംഭവത്തിന് ശേഷമുണ്ടായ വിവാദങ്ങളിൽ നിന്നെല്ലാം അഭയ ഒഴിഞ്ഞുമാറി. ഇപ്പോൾ ഇൻസ്റ്റഗ്രാമിൽ തന്റെ കൂട്ടുകാരിക്കൊപ്പം നിൽക്കുന്ന ചിത്രത്തിന് താഴെ ഒരാൾ നൽകിയ കമന്റിന് അഭയ മറുപടി നൽകിയിരിക്കുകയാണ് (തുടർന്ന് വായിക്കുക)

'ഈ കുട്ടി ഗോപിയുടെ അടുത്ത് പാടാൻ പോയപ്പോൾ കൂടെ പോയി വെറുതെ 12 വർഷം കളഞ്ഞില്ലേ. ലൈഫ് മുഴുവൻ കൂടെ കാണും എന്ന് കരുതും. ഒക്കെ വെറുതെ. ആർക്കും ആരോടും ആത്മാർത്ഥത ഒന്നും ഇല്ലാ' എന്നായിരുന്നു ചിത്രത്തിന് താഴെ വന്ന കമന്റ്

'അങ്ങനെയാണോ? ഞാൻ എന്റെ ജീവിതത്തെക്കുറിച്ച് വിശദീകരിക്കണോ'? എന്നായിരുന്നു അഭയ നൽകിയ പ്രതികരണം

കമന്റും പ്രതികരണവുമടങ്ങിയ ഇൻസ്റ്റഗ്രാം കമന്റ് സെക്ഷൻ ഇതാണ്

അഭയ തന്റെ ഔദ്യോഗിക ജീവിതവുമായി മുന്നോട്ടു തന്നെയാണ്. അടുത്തിടെ വസ്ത്രങ്ങളുടെ ഓൺലൈൻ വിൽപ്പന നടത്തുന്ന 'ഹിരണ്മയ' എന്ന ബ്രാൻഡ് അഭയ ആരംഭിച്ചിരുന്നു. ഒരു വലിയ സ്റ്റേജ് ഷോ ചെയ്ത ചിത്രങ്ങളും സോഷ്യൽ മീഡിയയിൽ എത്തി

ഒമർ ലുലുവിന്റെ സിനിമയിലൂടെ വീണ്ടും പിന്നണി ഗായികയായി വരൻ അഭയ തയാറെടുത്തു. മോഡലിംഗ് രംഗത്തും ഇവർ സജീവമാണ്