Actor Bala | ഉണ്ണി മുകുന്ദനോട് ശത്രുതയില്ല എന്ന് ബാല; 'സീക്രട്ട് ഏജന്റിന്റെ' സന്ദർശനത്തിന് പിന്നിൽ

നടൻ ബാലയുടെ (actor Bala) വീട്ടിൽ യൂട്യൂബ് വ്‌ളോഗറായ സീക്രട്ട് ഏജന്റ് എന്ന സായ് കൃഷ്ണനും ചലച്ചിത്ര നിരീക്ഷണങ്ങളിലൂടെ ശ്രദ്ധേയനായ സന്തോഷ് വർക്കിയും സന്ദർശനം നടത്തിയിരുന്നു. നടൻ ഉണ്ണി മുകുന്ദനുമായി തർക്കത്തിൽ ഏർപ്പെട്ടവരാണ് ബാലയും സീക്രട്ട് ഏജന്റും. ഇതിനാൽ ബാലയുമായുള്ള ഇവരുടെ കൂടിക്കാഴ്ച വിവാദമായി മാറുകയും ചെയ്തു

ഉണ്ണി മുകുന്ദന് പണി കൊടുത്തത് ബാലയാണോ എന്ന് പോലും ചോദ്യങ്ങളുയർന്നു. സോഷ്യൽ മീഡിയ പേജുകളിൽ പോസ്റ്റ് ചെയ്ത ചിത്രത്തിന് കനത്ത വിമർശനം കമന്റ് സെക്ഷനുകളിൽ നിറഞ്ഞു. എന്നാൽ ഉണ്ണിയോട് ശത്രുത ഇല്ലെന്നും സന്ദർശനത്തിന് പിന്നിലെ കാര്യങ്ങളും ബാല വിശദീകരിച്ചു (തുടർന്നു വായിക്കുക)

ബാലയ്ക്കു കണ്ണിന്റെ ഓപ്പറേഷൻ കഴിഞ്ഞ സാഹചര്യത്തിൽ സുഖവിവരം അന്വേഷിക്കാൻ എത്തിയതാണ് സായ് കൃഷ്ണൻ. സന്തോഷ് വർക്കി മുൻപും വീട്ടിൽ വന്നിട്ടുണ്ട്. രണ്ടുപേരും ഒത്തുവന്നത് തീർത്തും യാദൃശ്ചികമാണെന്ന് ബാല മാധ്യമങ്ങളോട് പറഞ്ഞതായി കേരള കൗമുദി റിപ്പോർട്ട് ചെയ്യുന്നു

ഉണ്ണി മുകുന്ദനോട് ശത്രുതയില്ല. ഉണ്ണി മുകുന്ദൻ- സായ് കൃഷ്ണൻ സംഭാഷണം വാക്കുതർക്കമായി മാറിയതിനെക്കുറിച്ചും ബാലയ്ക്കു പറയാനുണ്ട്. അഭിനേതാക്കൾ അവരുടെ ഫാൻസിന് റോൾ മോഡൽ ആകുന്നവരാണെന്നും, അതുകൊണ്ട് വാക്കുകൾ കൊണ്ടുള്ള അസഭ്യം പറയലിൽ നിന്നും ഒഴിഞ്ഞുനിൽക്കണം എന്നുമാണ് ബാലയുടെ അഭിപ്രായം

'ഉണ്ണി മുകുന്ദൻ എന്റെ ശത്രുവാണെന്ന് ഞാൻ പറഞ്ഞിട്ടില്ല. അന്നും ഇന്നും എന്നും എനിക്ക് ഒരു സഹോദരനെ പോലെയാണ് ഉണ്ണി. ഞാൻ മനസ്സിൽ വെറുപ്പ് വച്ചുപുലർത്തുന്ന ആളല്ല', കമന്റുകളോടുള്ള പ്രതികരണമായി ബാല പറഞ്ഞു

സന്ദർശകരെ വീട്ടിൽ സ്വാഗതം ചെയ്യുന്ന പതിവ് എനിക്കുണ്ട്, വീട്ടിൽ വരുന്നവർക്കൊപ്പം ഫോട്ടോയ്ക്ക് പോസ് ചെയ്യുന്നതിൽ എന്താണ് തെറ്റ്? അതിന് മറ്റ് അർത്ഥങ്ങൾ ഉണ്ടാക്കുന്നവർ ആണ് തെറ്റുകാർ,' ബാല പറഞ്ഞു