Chiyaan Vikram | കിടിലന്‍ ലുക്കില്‍ കൊച്ചിയില്‍ പറന്നിറങ്ങി ചിയാന്‍ വിക്രം

മണിരത്നത്തിന്‍റെ ബ്രഹ്മാണ്ഡ ചിത്രം പൊന്നിയിന്‍ സെല്‍വന്‍ 2ന്‍റ പ്രൊമഷനായി തമിഴ് സൂപ്പര്‍ താരം ചിയാന്‍ വിക്രം കൊച്ചിയിലെത്തി. കട്ടത്താടിയും നീട്ടിവളര്‍ത്തിയ മുടിയുമായി മാരക ലുക്കിലാണ് താരം എത്തിയത്

കല്‍ക്കി കൃഷ്ണമൂര്‍ത്തി എഴുതിയ നോവലിനെ അടിസ്ഥാനമാക്കി നിര്‍മ്മിച്ച ചിത്രത്തില്‍ ചോളരാജകുമാരനായ ആദിത്യകരികാലനായാണ് വിക്രം എത്തുന്നത്. ഐശ്വര്യ റായ് അവതരിപ്പിക്കുന്ന നന്ദിനി എന്ന കഥാപാത്രവുമായുള്ള പ്രണയ നൈരാശ്യ രംഗങ്ങള്‍ ആദ്യ ഭാഗത്ത് ഏറെ ചര്‍ച്ചയായിരുന്നു

തന്‍റെ ഏറ്റവും പുതിയ തങ്കലാന്റെ ലുക്കിലാണ് വിക്രമിനെ ചിത്രങ്ങളിൽ കാണാനാവുക. കിടിലൻ ലുക്കിൽ സ്റ്റൈലിഷ് ആയിട്ടുള്ള താരത്തിന്റെ ചിത്രങ്ങൾ സോഷ്യൽ മീഡിയയിൽ വൈറലാവുകയാണ്. നീല നിറത്തിലുള്ള ഷർട്ടും ജീന്‍സും ധരിച്ച്  കൂളിങ് ഗ്ലാസും ധരിച്ചുള്ള വിക്രമിന്‍റെ സ്റ്റൈലിഷ് ലുക്ക് യുവാക്കള്‍ക്കിടയില്‍ ട്രെന്‍ഡാകും.

രാവണന് ശേഷം ഐശ്വര്യ റായും വിക്രമും തമ്മിലുള്ള കോംപിനേഷന്‍ സീനുകള്‍ ഏറെ ശ്രദ്ധിക്കപ്പെട്ടത് പൊന്നിയിന്‍ സെല്‍വനിലായിരുന്നു. ആദിത്ത കരികാലനും നന്ദിനിയും നിറഞ്ഞാടുന്ന പിഎസ് 2 വിന്‍റെ രംഗങ്ങള്‍ക്കായി കാത്തിരിക്കുകയാണ് ആരാധകര്‍

പൊന്നിയിന്‍ സെല്‍വനിലെ മറ്റ് താരങ്ങളായ ജയം രവി, കാര്‍ത്തി, തൃഷ, ഐശ്വര്യലക്ഷ്മി, ശോഭിത ധുലീപാല എന്നിവര്‍ക്കൊപ്പമാണ് വിക്രം കൊച്ചിയിലെത്തിയത്

പാ രഞ്ജിത്ത് സംവിധാനം ചെയ്യുന്ന തങ്കലാന്‍ എന്ന ചിത്രത്തിന് വേണ്ടി അവിശ്വസനീയമായ മേക്കോവറണ് വിക്രം നടത്തിയത്

കര്‍ണാടകയിലെ കോലാര്‍ സ്വര്‍ണഖനിയുടെ കഥപറയുന്ന ചിത്രം വിക്രമിന്‍റെ കരിയറിലെ നിര്‍ണായകമായ കഥപാത്രമായി മാറും എന്ന് ഉറപ്പാണ്

കഴിഞ്ഞ ദിവസം താരത്തിന് പിറന്നാള്‍ ആശംസകള്‍ നേര്‍ന്ന് കൊണ്ട് തങ്കലാന്‍ ടീം പങ്കുവെച്ച വീഡിയോ വൈറലായിരുന്നു