INS വിക്രാന്ത് കാണാനെത്തി മോഹൻലാൽ; അഭിമാന നിമിഷമെന്ന് താരം

ഇന്ത്യ തദ്ദേശീയമായി നിർമ്മിച്ച വിമാനവഹിനി കപ്പൽ ഐഎൻഎസ് വിക്രാന്ത് കണാനെത്തി നടൻ മോഹൻലാല്‍. നടനും സംവിധായകനുമായ മേജർ രവിയും താരത്തിനൊപ്പം ഉണ്ടായിരുന്നു.

വൈകുന്നേരം നാല് മണിയോടെയാണ് മോഹന്‍ലാല്‍ ഷിപ്പ്‌യാർഡിൽ എത്തിയത്. ഐഎൻഎസ് വിക്രാന്തിലെ കാഴ്ചകളും ഉദ്യോഗസ്ഥരെയും കപ്പൽ നിർമാണത്തിൽ പങ്കുചേർന്നവരെയും മോഹൻലാൽ സന്ദർശിച്ചു.

കഴിഞ്ഞ മാസമാണ് ഐഎൻഎസ് വിക്രാന്ത് നാവിക സേനക്ക് കൈമാറിയത്. രാജ്യം സ്വാതന്ത്ര്യത്തിന്റെ 75-ാം വാ‍ര്‍ഷികം ആഘോഷിക്കുന്ന വേളയില്‍ വിക്രാന്ത് ഔദ്യാഗികമായി നാവികസനേയുടെ ഭാഗമാകും.

കൊച്ചിന്‍ ഷിപ്പ്‌യാർഡിൽ തന്നെയായിരുന്നു കപ്പലിന്‍റെ നിര്‍മാണം. 860 അടിയാണ് ഐഎൻഎസ് വിക്രാന്തിന്‍റെ നീളം. 30 യുദ്ധ വിമാനങ്ങളെയും പത്തോളം ഹെലിക്പ്റ്ററുകളെയും ഒരേ സമയം കപ്പലിൽ ഉൾക്കൊളാനാവും.

വിക്രാന്ത് നാവികസേനയുടെ ഭാഗമാകുന്നതോടെ തദ്ദേശീയമായി വിമാന വാഹിനി രൂപകൽപന ചെയ്തു നിർമിക്കാൻ ശേഷിയുള്ള, ലോകത്തെ ആറാമത്തെ രാജ്യം എന്ന അഭിമാന നേട്ടത്തിലേക്കാണ് ഇന്ത്യ എത്തുന്നത്. വിമാനവാഹിനി നിർമിക്കുന്ന രാജ്യത്തെ ആദ്യ കപ്പൽശാലയെന്ന നേട്ടത്തിലേക്കു കൊച്ചിയുടെ സ്വന്തം ഷിപ്‌യാഡും എത്തും.

2009ലാണ് നിര്‍മ്മാണ പ്രവര്‍ത്തനങ്ങള്‍ ആരംഭിച്ചത്. 76 ശതാമനം ഇന്ത്യൻ നിർമിത വസ്തുക്കളാണ് കപ്പലിൻ്റെ നി‍ര്‍മ്മാണത്തിനായി ഉപയോഗിച്ചത്. ചെറുതും വലുതുമായ 30 യുദ്ധവിമാനങ്ങൾ വഹിക്കാൻ ഈ കൂറ്റൻ യുദ്ധക്കപ്പലിന് ശേഷിയുണ്ട്.