നടിയെ ആക്രമിച്ച കേസ്; വിചാരണ ആരംഭിച്ചു: ഒമ്പതാം പ്രതിയുടെ ജാമ്യം റദ്ദാക്കി

കൊച്ചി: നടിയെ ആക്രമിച്ച കേസിലെ വിചാരണ നടപടികള്‍ കൊച്ചിയിലെ പ്രത്യേക സി ബി ഐ കോടതിയില്‍ ആരംഭിച്ചു. കോടതിയില്‍ ഹാജരാകാതിരുന്ന 9-ാം പ്രതി സനില്‍കുമാറിന്റെ ജാമ്യം കോടതി റദ്ദാക്കി. കേസ് വീണ്ടും അടുത്ത ചൊവ്വാഴ്ച പരിഗണിക്കും.

നടിയെ അക്രമിച്ച കേസില്‍ വിചാരണ നടപടിക്രമങ്ങളുടെ ഭാഗമായി ഒന്നാം പ്രതി പള്‍സര്‍ സുനിയടക്കം 8 പ്രതികളെ ഇന്ന് കോടതിയില്‍ ഹാജരാക്കി.

കേസില്‍ 12 പ്രതികളാണുണ്ടായിരുന്നത് . ഇതില്‍ രണ്ട് പേരെ ഹൈക്കോടതി പ്രതി പട്ടികയില്‍ നിന്നും ഒഴിവാക്കിയിരുന്നു. 8-ാം പ്രതി ദിലീപ് വിദേശത്തായതിനാല്‍ ഇന്ന് ഹാജരായില്ല . 9-ാം പ്രതി സനില്‍ കുമാറിന് നേരത്തെ ജാമ്യം' അനുവദിച്ചെങ്കിലും ഇന്ന് കോടതിയില്‍ ഹാജരാകാത്തതിനാല്‍ ജാമ്യം റദ്ദാക്കുകയായിരുന്നു.

ജയില്‍ മാറണമെന്നാവശ്യപ്പെട്ട് രണ്ടാം പ്രതി മണികണ്ഠന്‍ നല്‍കിയ കത്ത് കോടതി തള്ളി. ഇപ്പോള്‍ ജയിലില്‍ പ്രശ്‌നങ്ങള്‍ ഇല്ലെന്ന് മണികണ്ഠന്‍ പറഞ്ഞതിനെതുടര്‍ന്നാണ് അപേക്ഷ തള്ളിയത്.

[caption id="attachment_1819" align="alignnone" width="875"] ഒന്നും പറയാനില്ലെന്ന് മാത്രമായിരുന്നു ഒന്നാം പ്രതി പള്‍സര്‍ സുനിയുടെ പ്രതികരണം. കേസില്‍ സുപ്രിം കോടതി ആറ് മാസത്തിനകം വിചാരണ നടപടി പൂര്‍ത്തിയാക്കണമെന്ന് നിര്‍ദേശിച്ചിട്ടുണ്ട്.

ഈ സാഹചര്യത്തിലാണ് വിചാരണ കോടതി നടപടികള്‍ വേഗത്തിലാക്കുന്നത്. വിദേശത്ത് നിന്ന് തിരിച്ചെത്തുന്ന ദിലീപ് കേസ് ഇനി പരിഗണിക്കുന്ന മൂന്നിന് കോടതിയില്‍ ഹാജരായേക്കും. നടിയെ അക്രമിച്ച് പകര്‍ത്തിയ ദൃശ്യങ്ങള്‍ പരിശോധിക്കുന്നതിനുള്ള അപേക്ഷയും വിചാരണ കോടതിയില്‍ സമര്‍പ്പിക്കും.