തിയേറ്ററുകളില്‍ കാണികളെ നിര്‍ത്താതെ ചിരിപ്പിച്ച് ബോക്സ് ഓഫീസില്‍ വന്‍ വിജയം നേടി 'ജയ ജയ ജയ ജയ ഹേ' ഹിന്ദിയിലേക്ക് റീമേക്ക് ചെയ്യുന്നു എന്ന സൂചന അടുത്തിടെ പുറത്തുവന്നിരുന്നു.
2/ 5
ദര്‍ശന രാജേന്ദ്രനും ബേസില്‍ ജോസഫും പ്രധാന വേഷങ്ങളിലെത്തിയ ചിത്രം സംവിധാനം ചെയ്തത് വിപിന്‍ ദാസാണ്. തിയേറ്ററിലും ഒടിടിയിലും മികച്ച പ്രതികരണം നേടിയ സിനിമ വലിയ സാമ്പത്തിക വിജയമാണ് നേടിയത്.
3/ 5
ഒടിടി റിലീസിന് പിന്നാലെ മറ്റ് ഭാഷകളിലും ജയ ജയ ജയ ജയഹേ ശ്രദ്ധനേടിയിരുന്നു. ഇതാണ് ബോളിവുഡ് റീമേക്ക് എന്ന അഭ്യൂഹത്തിന് തുടക്കമിട്ടത്. ബോളിവുഡ് താരം ആമിര്‍ഖാന്‍ ചിത്രം റീമേക്ക് ചെയ്യാന്‍ താത്പര്യം അറിയിച്ചിട്ടുണ്ടെന്നാണ് റിപ്പോര്‍ട്ട്.
4/ 5
ഇതിനിടെയാണ് ബോളിവുഡ് നടി ഫാത്തിമ സന ഷെയ്ഖിനൊപ്പമുള്ള ചിത്രം സംവിധായകന്‍ വിപിന്‍ദാസ് ഇന്‍സ്റ്റഗ്രാമില്‍ പങ്കുവെച്ചത്. മലയാളത്തില്‍ ദര്‍ശന അഭിനയിച്ച റോള്‍ ഹിന്ദിയില്‍ അവതരിപ്പിക്കുന്നത് ഫാത്തിമയാകാനും സാധ്യതയുണ്ട്.
5/ 5
ആമിര്‍ഖാന്‍റെ ദംഗല്‍ എന്ന ചിത്രത്തിലൂടെ ശ്രദ്ധേയായ ഫാത്തിമ സന ഷെയ്ഖ് ഒരുപിടി മികച്ച കഥാപാത്രങ്ങളെയാണ് ഇതിനോടകം അവതരിപ്പിച്ചത്. ജയ ജയ ജയ ജയ ഹേയുടെ ഹിന്ദി പതിപ്പിനായി ദംഗലിലെ ഗുസ്തിക്കാരിയായ അച്ഛനും മകളും വീണ്ടും ഒന്നിക്കുമോ എന്നാണ് സിനിമാലോകം ഉറ്റുനോക്കുന്നത്.
