'ശരീരം തളർച്ച കാണിച്ചാൽ അവഗണിക്കരുത്'; ആശുപത്രിയിൽ നിന്നുള്ള ചിത്രങ്ങളുമായി ഖുഷ്ബു

ശരീരം തളർച്ച കാണിച്ചാൽ അവഗണിക്കരുതെന്ന മുന്നറിയിപ്പുമായി ആശുപത്രിയിൽ നിന്നുള്ള ചിത്രങ്ങൾ പങ്കുവെച്ച് ബിജെപി നേതാവും ദേശീയ വനിത കമ്മിഷൻ അംഗവുമായ ഖുഷ്ബു സുന്ദർ. അസുഖം ബാധിച്ച് ആശുപത്രിയിൽ കഴിയുന്ന ചിത്രങ്ങൾ ഖുഷ്ബു തന്നെയാണ് സമൂഹമാധ്യമത്തിൽ പങ്കുവച്ചത്.

പനിയും ശരീരവേദനയും തളർച്ചയും ബാധിച്ചാണ് ഖുഷ്ബുവിനെ ആശുപത്രിയിൽ പ്രവേശിപ്പിച്ചിരിക്കുന്നത്. നിലവിൽ ഹൈദരാബാദ് അപ്പോളോ ആശുപത്രിയിൽ ചികിത്സയിലാണ്.

കടുത്ത പനിയും ശരീര വേദനയും ക്ഷീണവും കാരണം ആശുപത്രിയിൽ പ്രവേശിപ്പിച്ചിരിക്കുകയാണെന്നാണ് ഖുഷ്ബു ട്വീറ്റ് ചെയ്തത്.

ഇപ്പോൾ സുഖം പ്രാപിച്ച് വരികയാണെന്നും ഖുഷ്ബു ട്വീറ്റിലൂടെ അറിയിച്ചു.

2010ൽ ഡിഎംകെയിൽ ചേർന്ന് രാഷ്ട്രീയ അരങ്ങേറ്റം നടത്തിയ ഖുശ്‌ബു പിന്നീട് കോൺഗ്രസിലേക്ക് മാറുകയും പാർട്ടിയുടെ വക്താവാകുകയും ചെയ്തു. ഒടുവിൽ ബിജെപിയിൽ ചേർന്ന് 2021ലെ തമിഴ്‌നാട് നിയമസഭാ തിരഞ്ഞെടുപ്പിൽ മത്സരിച്ചെങ്കിലും ഡിഎംകെയുടെ എൻ. എഴിലനോട് പരാജയപ്പെട്ടു