Malavika Mohanan: മഞ്ഞയിൽ മോഹിപ്പിച്ച് മാളവിക മോഹനൻ; തരംഗമായി പുത്തൻ ഫോട്ടോഷൂട്ട്

തെന്നിന്ത്യൻ നടിമാരിൽ ശ്രദ്ധേയയാണ് മലയാളി കൂടിയായ മാളവിക മോഹനൻ. അഭിനയത്തിനൊപ്പം തന്നെ മോഡലിംഗ് രംഗത്തും വളരെ സജീവമാണ് താരം. ദുൽഖർ സൽമാൻ നായകനായെത്തിയ പട്ടം പോലെ എന്ന ചിത്രത്തിലൂടെ ആയിരുന്നു താരത്തിന്റെ സിനിമ അരങ്ങേറ്റം. (Photo:Instagram)

ചെറിയ പ്രായത്തിൽ തന്നെ മുൻനിര നായകൻമാർക്കൊപ്പം സ്ക്രീൻ പങ്കിടാൻ മാളവികയ്ക്ക് ആയി. ഇപ്പോഴിതാ മാളവിക പങ്കുവച്ചിരിക്കുന്ന പുതിയ ചിത്രങ്ങളാണ് സോഷ്യൽ മീഡിയ കീഴടക്കുന്നത്. ഒരു മത്സ്യകന്യകയെപ്പോലെയാണ് മാളവികയെ പുതിയ ചിത്രങ്ങളിൽ കാണാവുക.(Photo:Instagram)

'മെർമെയ്ഡ് ബട്ട് മെയ്ക്ക് ഇറ്റ് യെല്ലോ' എന്നാണ് മാളവിക ക്യാപ്ഷനായി കുറിച്ചിരിക്കുന്നത്. മഞ്ഞ നിറത്തിലെ ഹൈ സ്ലിറ്റ് ഗൗൺ ആണ് താരം ധരിച്ചിരുന്നത്. സ്ലീവ് ലെസും ഡീപ്പ് നെക്ക് ലൈനുമാണ് വസ്ത്രത്തിന്റെ മറ്റൊരു പ്രത്യേകത. ഹെവി മേക്കപ്പോ ആഭരണങ്ങളോ ഉപയോഗിച്ചിട്ടുമില്ല. (Photo:Instagram)

ബിയോണ്ട് ദ് ക്ലൗഡ്‌സ് എന്ന ചിത്രത്തിലൂടെ ബോളിവുഡിലും സാന്നിധ്യമറിയിക്കുകയാണ് മാളവിക. ഇഷാൻ ഘട്ടർ അവതരിപ്പിക്കുന്ന കഥാപാത്രത്തിന്റെ സഹോദരിയായാണ് മാളവിക ചിത്രത്തിലെത്തുന്നത്.(Photo:Instagram)

നാളുകൾക്ക് ശേഷം ക്രിസ്റ്റിയിലൂടെ മലയാളത്തിലേക്ക് തിരിച്ചെത്തുകയാണ് താരം. കഴിഞ്ഞ ദിവസം ചിത്രത്തിന്റെ ഫസ്റ്റ് ലുക്ക്‌ പോസ്റ്റർ പുറത്തുവന്നിരുന്നു. മാത്യു തോമസ് ആണ് ചിത്രത്തിൽ മറ്റൊരു പ്രധാന വേഷത്തിലെത്തുന്നത്. (Photo:Instagram)

നടി നയൻതാരയെ വിമർശിച്ചു കൊണ്ട് മാളവിക പറഞ്ഞ ഒരു പഴയ അഭിമുഖത്തിന്റെ വീ‍ഡിയോ കഴിഞ്ഞ ദിവസങ്ങളിൽ സോഷ്യൽ മീഡിയയിൽ വൈറലായിരുന്നു.  (Photo:Instagram)

മാളവികയ്ക്ക് മറുപടിയുമായി കഴിഞ്ഞ ദിവസം നയൻതാര തന്നെ രംഗത്തെത്തുകയും ചെയ്തിരുന്നു.  (Photo:Instagram)

 കണക്ട് എന്ന ചിത്രത്തിന്റെ പ്രൊമോഷൻ ചടങ്ങുകൾക്കിടെയായിരുന്നു നയൻതാര പ്രതികരിച്ചത്. രണ്ട് അഭിമുഖങ്ങളുടെയും വീഡിയോ ഫാൻസുകാർ ഏറ്റെടുക്കുകയായിരുന്നു. (Photo:Instagram)

നയൻതാരയെ വിമർശിച്ചതിന്റെ പേരിൽ മാളവിക പങ്കുവച്ചിരിക്കുന്ന പുതിയ ചിത്രങ്ങൾക്ക് താഴെ നെഗറ്റീവ് കമന്റുകളുമായി ചിലർ രംഗത്തെത്തിയിട്ടുണ്ട്. (Photo:Instagram)