Malvika Nair| ഉസ്താദ് ഹോട്ടലിലെ 'ഹൂറി'; നടി മാളവിക നായരുടെ പുത്തൻ ഫോട്ടോഷൂട്ട് വൈറൽ

ഉസ്താദ് ഹോട്ടലിലെ ഹൂറിയായി മലയാളി പ്രേക്ഷകർക്കിടയിൽ പരിചിതയായ നടിയാണ് മാളവിക നായർ. കർമയോദ്ധയിലെ ദിയ, പുതിയ തീരങ്ങളിലെ മിനിക്കുട്ടി, ബ്ലാക്ക് ബട്ടർഫ്ലൈയിലെ റീന, പകിടയിലെ കനി എന്നീ കഥാപാത്രങ്ങളെയും മാളവിക അവതരിപ്പിച്ചു. മാളവികയുടെ പുത്തൻ ഫോട്ടോഷൂട്ട് ഇപ്പോൾ സോഷ്യൽ മീഡിയയിൽ വൈറലായിരിക്കുകയാണ്.

എന്നാൽ തെലുങ്കിലെ തിരക്കേറിയ താരമാണ് മാളവിക ഇപ്പോൾ. 2014ൽ പുറത്തിറങ്ങിയ തമിഴ് ചിത്രം കുക്കൂ ആണ് മാളവികയുടെ കരിയറിൽ വഴിത്തിരിവായത്. സുതന്തിരക്കൊടി എന്ന കഥാപാത്രം നിരൂപക പ്രശംസ നേടി. പിന്നീട് യെവാടെ സുബ്രഹ്മണ്യം എന്ന സിനിമയിലൂടെ തെലുങ്കിൽ അരങ്ങേറ്റം കുറിച്ചു. പിന്നീട് പത്തോളം തെലുങ്ക് സിനിമകളിൽ വേഷമിട്ടു.

കോവിഡിന് മുന്നോടിയായി ഹൈദരാബാദിൽ ഉന്നതപഠനം പൂർത്തിയാക്കിയ മാളവിക, പുത്തൻ ചിത്രമായ ഫലന അമ്മായി ഫലന അബ്ബായി എന്ന സിനിമയുമായി വരികയാണ്. ചുംബന സീനുകളിലടക്കം മാളവിക സിനിമയിൽ പ്രത്യക്ഷപ്പെടുന്നു.

''അത് അശ്ലീലമോ ഹോട്ടോ അല്ല'', സിനിമയിലെ ഇന്റിമേറ്റ് രംഗങ്ങളെക്കുറിച്ച് മാളവിക പറയുന്നു. കഥ ആവശ്യപ്പെടുന്നെങ്കില്‍ ഇത്തരം സീനുകളിൽ അഭിനയിക്കാൻ മടിയില്ലെന്നും താരം പറയുന്നു. സിനിമയിൽ നാഗ ശൗര്യയുമായി ദീർഘമേറിയ ചുംബന സീൻ സിനിമയിലുണ്ട്.

ഡൽഹിയിലാണ് മാളവിക ജനിച്ചത്. പിന്നീട് കുടുംബം കൊച്ചിയിലെത്തി. വൈറ്റിലയിലായിരുന്നു സ്കൂൾ പഠനം. കോളജ് വിദ്യാഭ്യാസം ന്യൂഡൽഹിയിൽ. ഇപ്പോൾ ഉപരിപഠനം ഹൈദരാബാഗ് ബെഗുംപേട്ട് സെന്റ് ഫ്രാൻസിസ് വിമൻസ് കോളജിൽ പൂർത്തിയാക്കി. ‍

കോളജ് പഠനകാലത്ത് തന്നെ പരസ്യ ചിത്രങ്ങളിൽ അഭിനയിച്ചു. മോഹൻ സിത്താര സംവിധാനം ചെയ്ത ഋതുക്കൾ എന്ന സംഗീത ആൽബത്തിലൂടെ ശ്രദ്ധിക്കപ്പെട്ടു. ഇതിനുശേഷം ഒട്ടേറെ അവസരങ്ങൾ തേടിയെത്തി.

കുക്കൂവിലെ അന്ധയായ പെൺകുട്ടിയായി മികച്ച പ്രകടനം കാഴ്ചവെച്ചു. ചിത്രത്തിലെ അഭിനയത്തിന് മികച്ച നടിക്കുള്ള ഫിലിം ഫെയർ അവാർഡ് ലഭിച്ചു. മികച്ച നവാഗത നടിക്കുള്ള വിജയ് അവാർഡും മാളവിക നേടി.