ഇതൊക്കെ എന്ത് ! നിസാരം; 'ഫുൾ സ്പ്ലിറ്റ്' വര്‍ക്കൗട്ട്‌ ചിത്രവുമായി മഞ്ജു വാര്യർ

അഭിനയത്തില്‍ മാത്രമല്ല ഫിറ്റ്നസിലും പുലിയാണ് മലയാളത്തിന്‍റെ ലേഡി സൂപ്പര്‍ സ്റ്റാര്‍ മഞ്ജു വാര്യര്‍. ഫുള്‍ സ്പ്ലിറ്റ് വര്‍ക്കൗട്ട് പൊസിഷനില്‍ ഇരിക്കുന്ന മഞ്ജുവിന്‍റെ ചിത്രമാണ് ഇപ്പോള്‍ സോഷ്യല്‍ മീഡിയയില്‍ തരംഗമാകുന്നത്. മന്ത്രി വി ശിവന്‍കുട്ടിയടക്കമുള്ള പ്രമുഖരാണ് മഞ്ജുവിന്‍റെ മാസ് ചിത്രം സമൂഹമാധ്യമങ്ങളില്‍ പങ്കുവെച്ചത്.

ഫുട്ടേജ് എന്ന സിനിമയുടെ ഫൈറ്റ് പരിശീലനത്തിനിടെ എടുത്തതാണ് മഞ്ജുവിന്‍റെ ഈ വൈറല്‍ ചിത്രം.  ‘നിങ്ങളെ സ്വയം പ്രോത്സാഹിപ്പിക്കൂ, അത് മറ്റാരും നിങ്ങൾക്കു വേണ്ടി ചെയ്യാൻ പോകുന്നില്ല’ എന്നാണ് ചിത്രത്തിനു താഴെ മഞ്ജു കുറിച്ചത്. 

ആമി റിലോഡഡ്, എന്റമ്മോ പൊളി, വൗ തുടങ്ങിയ കമന്റുകളാണ് ചിത്രത്തിനു താഴെ നിറയുന്നത്. ആരാധകർ മഞ്ജുവിന്റെ സൂപ്പർ പവർ ചിത്രം ഏറ്റെടുത്തു കഴിഞ്ഞു. ‘സ്വന്തം കാലിൽ നിൽക്കാനും ഇരിക്കാനും പറ്റി’ എന്നാണ് രമേഷ് പിഷാരടി ചിത്രത്തിന് നല്‍കിയ കമന്റ്.

ആക്ഷൻ രംഗങ്ങൾക്ക് ഏറെ പ്രാധാന്യമുള്ള ചിത്രം ആണ് ഷൈജു ശ്രീധരൻ സംവിധാനം ചെയ്യുന്ന 'Footage'. കള എന്ന ടോവിനോ ചിത്രത്തിന് സംഘട്ടനം ഒരുക്കിയ ഇർഫാൻ ആമീർ ആണ് ഈ ചിത്രത്തിനും സംഘട്ടനം ഒരുക്കുന്നത്.

Found footage എന്ന ഒരു അവതരണ രീതിയാണ് ഈ സിനിമയിൽ ഉപയോഗിക്കാൻ പോകുന്നത്. ബിനീഷ് ചന്ദ്രനാണ് പ്രൊഡ്യൂസർ. ചിത്രം പകർത്തിയത് സിനിമ ഫോട്ടോഗ്രാഫർ രാജീവൻ ഫ്രാൻസിസ് ആണ്. നിങ്ങൾ സ്ത്രീകൾക്ക് ഒരു പ്രചോദനം ആണ് എന്ന് തലകെട്ടോടെ മന്ത്രി വി ശിവകുട്ടിയും ഈ ചിത്രം സോഷ്യൽ മീഡിയയിൽ പങ്ക് വച്ചിരുന്നു. പി ആർ ഒ-എ എസ് ദിനേശ്