Mythili| സമ്പത്തിനെ ആദ്യമായി കാണുന്നത് മരത്തിന് മുകളിൽ വെച്ച്; കുടുംബത്തിന്റെ പിന്തുണയോടെയുള്ള പ്രണയ വിവാഹമെന്ന് മൈഥിലി

കഴിഞ്ഞ ദിവസമാണ് മലയാള ചലച്ചിത്രതാരം മൈഥിലി (Mythili)വിവാഹിതയായത്. ആർകിടെക്ടായ സമ്പത്ത് ആണ് മൈഥിലിയുടെ ജീവിതപങ്കാളി. ഗുരുവായൂരിൽ ഇന്നലെ രാവിലെ ലളിതമായ ചടങ്ങിലായിരുന്നു വിവാഹം നടന്നത്. (image: Instagram)

പിന്നീട് വൈകിട്ട് കൊച്ചിയിൽ മലയാള സിനിമയിലെ സുഹൃത്തുക്കൾക്കായി വിരുന്നും നടത്തിയിരുന്നു. ജോജു ജോർജ്, സ്രിന്ത, അഹാനകൃഷ്ണ, നിമിഷ് രവി, ഗ്രേസ് ആന്റണി, സിദ്ധാർഥ് ഭരതൻ, അബു സലിം തുടങ്ങി നിരവധി പേരാണ് മൈഥിലിക്കും സമ്പത്തിനും ആശംസകൾ നേരാൻ എത്തിയത്. (Image: Instagram)

വിരുന്നിനു ശേഷം മാധ്യമങ്ങളുടെ ചോദ്യത്തിനാണ് സമ്പത്തിനെ ആദ്യമായി കണ്ടതിനെ കുറിച്ചും വിവാഹത്തെ കുറിച്ചുമെല്ലാം മൈഥില വിശേഷങ്ങൾ പറഞ്ഞത്.

‌സമ്പത്തിനെ ആദ്യമായി കണ്ടത് എങ്ങനെയായിരുന്നു എന്ന ചോദ്യത്തിനായിരുന്നു മരത്തിന് മുകളിൽ വെച്ചാണെന്ന മൈഥിലിയുടെ രസകരമായ മറുപടി. ആർകിടെക്ടായ സമ്പത്ത് ഒരു ട്രീ ഹൗസ് നിർമിക്കുന്ന സമയത്ത് ആ സ്ഥലത്ത് എത്തിയതായിരുന്നു മൈഥിലിയും അമ്മയും. ഇവിടെ വെച്ചാണ് ഇരുവരും ആദ്യമായി കാണുന്നതും പരിചയപ്പെടുന്നതും. (Image: Instagram)

രണ്ട് കുടുംബങ്ങളുടേയും പിന്തുണയോടെയുള്ള ലൗവ് കം അറേഞ്ച്ഡ‍് വിവാഹമാണ് തങ്ങളുടേതെന്നും മൈഥിലി പറഞ്ഞു. വിവാഹശേഷവും മൈഥിലി അഭിനയിക്കുമോ എന്ന മാധ്യമങ്ങളുടെ പതിവ് ചോദ്യമായിരുന്നു സമ്പത്തിന് നേരിടേണ്ടി വന്നത്. (image: Instagram)

മൈഥിലിക്ക് ഇഷ്ടമുണ്ടെങ്കിൽ സിനിമയിൽ അഭിനയിക്കുന്നത് തുടരുമെന്നും അതിനൊരിക്കലും താൻ എതിരല്ലെന്നും സമ്പത്ത് പറഞ്ഞു. (image: Instagram)

രഞ്ജിത്ത് സംവിധാനം ചെയ്ത മമ്മൂട്ടി ചിത്രം 'പാലേരി മാണിക്യം' ത്തിലൂടെയാണ് മലയാള സിനിമയിലേക്ക് എത്തിയ നടിയാണ് മൈഥിലി. ബ്രെറ്റി ബാലചന്ദ്രൻ എന്നാണ് മൈഥിലിയുടെ യഥാർഥ പേര്. (Image: Instagram)

കേരള കഫെ, ചട്ടമ്പിനാട്, ഈ അടുത്തകാലത്ത്, സോൾട്ട് ആൻഡ് പെപ്പർ, നല്ലവൻ, ബ്രേക്കിംഗ് ന്യൂസ്, മാറ്റിനി, മായാമോഹിനി, നാടോടിമന്നൻ, വെടിവഴിപാട്, ഞാൻ, ലോഹം, മേരാ നാം ഷാജി തുടങ്ങിയ ചിത്രങ്ങളിൽ അഭിനയിച്ചു. (image: Instagram)