Viral Photos | നസ്രിയയുടെ മടിയിൽ കൂളായി ഓറിയോ; ലോക് ഡൗൺകാല ചിത്രങ്ങൾ പങ്കുവച്ച് താരം

നസ്രിയ ഏറെ സ്നേഹത്തോടെ പരിപാലിക്കുന്ന വളർത്തു നായയാണ് ഓറിയോ. ഓറിയോയ്ക്കൊപ്പമുള്ള ലോക് ഡൗൺ കാലത്തെ പുതിയ ചിത്രങ്ങൾ ട്വിറ്ററിൽ പങ്കുവച്ചിരിക്കുകയാണ് നസ്രിയ. ഓറിയോയെ മടിയിലിരുത്തി നസ്രിയ കസേരയിൽ ഇരിക്കുന്ന നാല് ചിത്രങ്ങളാണ് താരം പങ്കുവച്ചിരിക്കുന്നത്.

ഓറിയോയുടെ വിശേഷങ്ങൾ നസ്രിയ സമൂഹമാധ്യമങ്ങളിലൂടെ ആരാധകരുമായി പങ്കിടാറുണ്ട്. ഓറിയോയെ ഫഹദ് ഫാസിലാണ് തനിക്ക് സമ്മാിനിച്ചതെന്നും തരം അടുത്തിടെ ഒരു അഭിമുഖത്തിൽ വ്യക്തമാക്കിയിട്ടുണ്ട്.

ഓറിയോ ഇപ്പോൾ നസ്രിയയുടെ സന്തതസഹചാരിയായി മാറിയിട്ടുണ്ട്. 'കൂടെ' ചിത്രീകരണത്തിന് ഓറിയോയുമാണ്. നസ്രിയ ഊട്ടിയിലെത്തിയത്. അതുകൊണ്ടു തന്നെ സിനിമാരംഗത്തുള്ളവർക്കും ഓറിയോ പരിചിതനാണ്.

വെള്ളയും കറുപ്പും ഇടകലർന്ന നിറമാണ് ഓറിയോയ്ക്ക്. ഒരിക്കൽ മാതൃഭൂമിയ്ക്ക് നൽകിയ അഭിമുഖത്തിൽ ഓറിയോയെ കുറിച്ച് നസ്രിയ വാചാലയായി.

“ഓറിയോ അവന്‍ എന്റെ ആത്മാര്‍ഥ സുഹൃത്താണ്. ശരിക്കും എനിക്ക് ഫഹദ് തന്ന ഗിഫ്റ്റായിരുന്നു ഓറിയോ. കല്യാണം കഴിഞ്ഞ് ഒരു വര്‍ഷം കഴിയുന്നതു വരെ എനിക്ക് നായക്കുട്ടികളെ പേടിയായിരുന്നു. ‘ബാംഗ്ലൂര്‍ ഡെയ്‌സ്’ ചെയ്തു കൊണ്ടിരുന്ന സമയത്തൊക്കെ എല്ലാവരും എന്നെ കളിയാക്കുമായിരുന്നു. ഫഹദിനും സഹോദരനും എല്ലാവര്‍ക്കും പട്ടികളെ ഭയങ്കര ഇഷ്ടമാണ്. ഫഹദ് കാരണമാണ് ഞാന്‍ നായ പ്രേമിയായത്.”

ഓറിയോ വന്നതിനു ശേഷം നായക്കുട്ടികളോടുള്ള തന്റെ പേടിമാറിയെന്നും ഓറിയോ എന്ന പേര് ഇട്ടത് ഫഹദിന്റെ സഹോദരി അമ്മുവാണെന്നും നസ്രിയ പറയുന്നു.