'സ്ത്രീകൾക്കെതിരെ ലൈംഗികാതിക്രമം നടത്തിയാൽ'; പോസ്റ്റുമായി നടി പാർവതി തിരുവോത്ത്

കൊച്ചി: 'നിയമം അറിയില്ലെങ്കിൽ അത് പഠിക്കുക തന്നെ വേണം സർ' മീശമാധവനിൽ അഡ്വ. മുകുന്ദനുണ്ണിയുടെ വാക്കുകളാണിത്. ഈ വാക്കുകളെ കൂട്ടു പിടിച്ചാണ് സ്ത്രീകൾക്ക് എതിരെ ലൈംഗികാതിക്രമം നടത്തിയാൽ ഉണ്ടാകുന്ന ഭവിഷ്യത്തുകളെക്കുറിച്ചുള്ള നടി പാർവതി തിരുവോത്തിന്‍റെ പുതിയ ഫേസ്ബുക്ക് പോസ്റ്റ്.

സിനിമയിലെ വനിതാ പ്രവർത്തകരുടെ കൂട്ടായ്മയായ വിമൻ ഇൻ സിനിമ കളക്ടീവ് ഡിസംബർ 11 മുതൽ 21 വരെ സൈബർ ആക്രമണങ്ങൾക്ക് എതിരെയുള്ള പ്രചരണത്തിലാണ്. No to Cyber Violence എന്ന പേരിലാണ് പ്രചരണം. ഇതിന്‍റെ ഭാഗമായി പോപ് കൾട്ട് തയ്യാറാക്കിയ ബോധവത്കരണ പോസ്റ്ററുകളാണ് പാർവതി ഷെയർ ചെയ്തത്. ഓരോ സിനിമയിലെയും സൈബർ കുറ്റകൃത്യങ്ങളും അതിന് ലഭിക്കുന്ന ശിക്ഷയും വ്യക്തമാക്കുന്ന തരത്തിലാണ് പോസ്റ്ററുകൾ.

ദൃശ്യം സിനിമയിലെ ഇലക്ട്രോണിക് വോയറിസം

വികൃതി സിനിമയിലെ അപകീര്‍ത്തിപ്പെടുത്തല്‍

ചാപ്പാക്കുരിശ് സിനിമയിലെ രംഗം

തമാശ സിനിമയിലെ ഓൺലൈൻ വെർബൽ അബ്യൂസ്

ഒരു വടക്കൻ സെൽഫിയിലെ ഓൺലൈനിൽ മറ്റൊരാളായി എത്തിയുള്ള ചതി

പ്രേതം സിനിമയിലെ സ്വകാര്യ ലംഘനം