ചിൽഡ്രൻസ് പാർക്കിൽ കളിയ്ക്കാൻ കുട്ടിയാവണമെന്നുണ്ടോ? മലയാളത്തിന്റെ പ്രിയ താരം ഉല്ലാസക്കാഴ്ചകളുമായി ഇൻസ്റ്റഗ്രാമിൽ

ചില്‍ഡ്രൻസ് പാർക്കിൽ സുഹൃത്തും ഫിറ്റ്നസ് പരിശീലകനുമായ റാഹിബ് മുഹമ്മദുമായി വർക്കൗട്ട് നടുത്തുന്ന ചിത്രങ്ങളും വിഡിയോകളും ഇൻസ്റ്റഗ്രാമിൽ പങ്കുവച്ച് നടി പാർവതി തിരുവോത്ത്.

പല വിധത്തിൽ തൂങ്ങി കിടന്നും സ്ട്രെച്ച് ചെയ്തും വ്യായാമത്തിൽ മുഴുകുന്ന നടിയെ ചിത്രങ്ങളില്‍ കാണാം. കുട്ടികൾക്കായുള്ള സീ സോയിൽ തന്റെ ജിം ട്രെയിനർക്കൊപ്പം സമയം ചെലവഴിക്കുന്നുമുണ്ട്.

രസകരമായ കമന്റുകളാണ് ചിത്രത്തിനു ലഭിക്കുന്നത്. അഞ്ജലി മേനോൻ സംവിധാനം ചെയ്ത ‘വണ്ടർ വുമനി’ലാണ് പാർവതി അവസാനം പ്രത്യക്ഷപ്പെട്ടത്.

ജിം ട്രെയിനറായ റാഹിബ് മുഹമ്മദും താരത്തിനൊപ്പം സമയം ചെലവഴിക്കുന്നുണ്ട്. നിരവധി താരങ്ങളുടെ ജിം ട്രെയിനറാണ് റാഹിബ് മുഹമ്മദ്. പാർവ്വതി മാത്രമല്ല, നടി പത്മപ്രിയയും റാഷിദിൻ്റെ ട്രെയിനിംഗിലാണ് വ‍ർക്കൗട്ട് ചെയ്യുന്നത്. മൂന്നുപേരും ഒരുമിച്ചുള്ള ജിമ്മിൽ നിന്നെടുത്ത ചിത്രങ്ങൾ റാഷിദ് കഴിഞ്ഞ ദിവസം പങ്കുവെച്ചിരുന്നു.

വിക്രമിനെ നായകനാക്കി പാ രഞ്ജിത് സംവിധാനം ചെയ്യുന്ന തങ്കലാൻ ആണ് നടിയുടെ പുതിയ പ്രോജക്ട്. കോലാർ സ്വർണ ഖനിയിൽ നടന്ന യഥാർഥ സംഭവത്തെ ആസ്പദമാക്കിയാണ് ചിത്രമെത്തുന്നത്.

കൃത്യമായ ഡയറ്റും വ‍ർക്കൗട്ടും പിന്തുട‍‍ർന്ന് ഫിറ്റാവാനുള്ള ശ്രമത്തിലാണ് താരം.