ഉറങ്ങി എഴുന്നേൽക്കുമ്പോൾ ഇങ്ങനെ തോന്നിയിട്ടുണ്ടോ? അഹാനയുടെ പുത്തൻ ഫോട്ടോഷൂട്ട്

അഹാന കൃഷ്ണയെ പ്രേക്ഷകർക്ക് പ്രത്യേകം പരിചയപ്പെടുത്തേണ്ട കാര്യമില്ല. സിനിമയിലും അതിനേക്കാളുമേറെ സോഷ്യൽ മീഡിയയിലും അഹാന സജീവ സാന്നിധ്യമാണ്. ആദ്യ ലോക്ക്ഡൗണിൽ തുടങ്ങി ഇന്ന് വരെയും അഹാനയുടെ സോഷ്യൽ മീഡിയ ഹാൻഡിലുകൾ നിശബ്ദമായിരുന്നില്ല. ഇത് അഹാനയുടെ പുതിയ ഫോട്ടോഷൂട്ട് ചിത്രമാണ്

നമ്മൾ പലരും ഒരു ദിവസം ആരംഭിക്കുന്നിടത്തു നിന്നുമാണ് വ്യത്യസ്തമായ ഈ ഫോട്ടോഷൂട്ട്. കിടക്കയിലെ പുതപ്പു മാറ്റി ഒരു ദിവസത്തെ കണികണ്ടുണരാൻ തുടങ്ങുന്നതേയുള്ളൂ. എന്നാൽ ഉണർന്നയുടൻ തന്നെ പലർക്കും തോന്നാറുള്ള ഒരു കാര്യമാണ് ഈ ഫോട്ടോയുടെ ക്യാപ്‌ഷനിൽ അഹാന പറഞ്ഞിരിക്കുന്നത്. എന്താണെന്നല്ലേ? (തുടർന്നു വായിക്കുക)

ഉണർന്നു, എന്നാൽ എഴുന്നേൽക്കാൻ വയ്യാതെ കിടക്കയിൽ മടിപിടിച്ചുറങ്ങുന്നവർ ഉണ്ടെങ്കിൽ അവർക്ക് മനസ്സിലാവും. അതാണ് അഹാന പറയുന്നതും. ഇടയ്ക്കിടെ അഹാന ഇൻസ്റ്റഗ്രാമിൽ ആരാധകരുമായി സംവദിക്കും. കുറച്ചുദിവസങ്ങൾക്കു മുൻപ് തന്റെ നേർക്ക് വരുന്ന ട്രോളുകൾ ആസ്വദിക്കാറുണ്ടോ എന്ന ചോദ്യത്തിന് അഹാന മറുപടി പറഞ്ഞിരുന്നു

അഹാന മാത്രമല്ല, അച്ഛൻ കൃഷ്ണകുമാറും അനുജത്തിമാരുമെല്ലാം  ട്രോളുകൾ നേരിടേണ്ടി വന്നിട്ടുണ്ട്. പ്രത്യേകിച്ചും കൃഷ്ണകുമാർ കഴിഞ്ഞ തിരഞ്ഞെടുപ്പിന് സ്ഥാനാർത്ഥിയായതിന് ശേഷം ഇടതടവില്ലാതെ ട്രോൾ പെരുമഴയായിരുന്നു ഇവിടെ. അഹാനയുടെ അനുജത്തി ദിയ രൂക്ഷമായി പ്രതികരിക്കുകയും ചെയ്തു

ഭക്ഷണവും, വസ്ത്രധാരണവും എല്ലാം പരാമർശിച്ചു കൊണ്ടുള്ള ട്രോളുകൾ ഇറങ്ങുമ്പോൾ പലരും പ്രതികരിക്കാറില്ല. അഹാനയും പരസ്യ പ്രതികരണം നടത്തിയിട്ടില്ല. ഇപ്പോൾ ചോദിച്ച സ്ഥിതിക്ക് മറുപടി കൊടുത്തിട്ടുണ്ട്

'പിന്നേ, ആസ്വദിക്കാൻ പറ്റിയ ഒരു ഐറ്റം. പക്ഷെ ചില മീമുകൾ വളരെ ഫണ്ണി ആണ്' എന്നാണ് അഹാനയുടെ മറുപടി

അടുത്തതായി പിടികിട്ടാപ്പുള്ളി, അടി, നാൻസി റാണി തുടങ്ങിയ സിനിമകൾ അഹാനയുടേതായി പുറത്തിറങ്ങാനുണ്ട്

തന്റെ വിശേഷങ്ങളും സൗന്ദര്യപരിപാലന രീതികളും വിവരിച്ചുകൊണ്ട് അഹാന ഇൻസ്റ്റഗ്രാമിൽ എത്താറുണ്ട്