താരജാഡകളില്ലാതെ പറമ്പ് വൃത്തിയാക്കി മലയാളത്തിന്റെ യുവസുന്ദരി; ഒഴിവുവേളയിലെ കാഴ്ചകളുമായി താരം

സിനിമാ നടിയെന്നാൽ ക്യാമറ, സിനിമ, ആരാധകർ, പ്രശസ്തി, പരിചാരകർ... തീർത്തും സാധാരണ നിലയിൽ ഒരാൾ ചിന്തിച്ചാൽ ഇങ്ങനെയൊക്കെയാവും ഒരു അഭിനേതാവിനെക്കുറിച്ചുള്ള ധാരണകൾ. ഈ ലോക്ക്ഡൗൺ തുടങ്ങിയ ശേഷം അവരെല്ലാം വീട്ടിനുള്ളിൽ സിനിമകണ്ടും വിനോദങ്ങളിൽ ഏർപ്പെട്ടും ഒക്കെ ചിലവിട്ടിരിക്കാം എന്ന് നിങ്ങൾ കരുതുന്നുണ്ടാവും. എന്നാൽ ഒരു മൺവെട്ടിയുമായി പറമ്പ് കിളയ്ക്കാൻ വരെ ഇറങ്ങാൻ തയാറുള്ളവരുണ്ട്

കിളച്ചും പുല്ലുചെത്തിയുമെല്ലാം വൃത്തിയാക്കിയ പറമ്പാണിത്. മലയാളി പ്രേക്ഷകർക്ക് വളരെ പ്രിയങ്കരിയായ യുവതാരമാണ് സുഖലോലുപത മാത്രമല്ല ലോക്ക്ഡൗൺ ദിനങ്ങൾ എന്ന് കാട്ടി മാതൃകയാവുന്നത്. തന്റെ ഇൻസ്റ്റഗ്രാം സ്റ്റോറിയിലാണ് താരജാഡകളില്ലാതെയുള്ള താരത്തിന്റെ ഈ പ്രവർത്തി. ഈ ആളെ നിങ്ങൾക്കറിയാം? ആരാണെന്ന് കണ്ടെത്തിയോ? (തുടർന്ന് വായിക്കുക)

എല്ലാ ജോലികളും പൂർത്തിയിയായ ശേഷമുള്ള സന്തോഷമാണ് ഈ പോസ്റ്റിൽ. തന്റെ മൾട്ടി-പർപ്പസ് ടി-ഷർട്ടിന്റെ രഹസ്യം കണ്ടെത്തിയാൽ അവർക്ക് ഓർഗാനിക് തേങ്ങയും മുരിങ്ങയും സമ്മാനമായി നൽകാം എന്ന് വാഗ്ദാനവുമുണ്ട്

ചിത്രത്തിൽ ഒപ്പംകാണുന്നയാളാണ് ഈ പണി കൂടുതലും ചെയ്തത് എന്ന ക്രെഡിറ്റ് നൽകുന്നുണ്ട് പ്രേക്ഷകർ സ്നേഹത്തോടെ ഐഷു എന്ന് വിളിക്കുന്ന ഐശ്വര്യ ലക്ഷ്മി. 'അണ്ണാൻ കുഞ്ഞും തന്നാലായത്' എന്ന് തനിക്ക് ലഭിച്ച കോംപ്ളിമെന്റും ഐശ്വര്യക്ക് ഇഷ്‌ടമായിട്ടുണ്ട്

അതേ, ഈ ചിത്രത്തിൽ നിങ്ങൾ കാണുന്ന സുന്ദരി തന്നെയാണ് മൺവെട്ടിയുമായി പറമ്പ് വൃത്തിയാക്കിയത്. ഇനിയെന്ത് ചെയ്യും എന്ന് കരുതി വീടിനുള്ളിൽ ഇരിക്കുന്നവർ ചുറ്റും അൽപ്പം പറമ്പുണ്ടെങ്കിൽ ഇനി സംശയിക്കേണ്ട, ഐശ്വര്യ മികച്ച മാതൃകയാണ്

ഷൂട്ടിംഗ് കഴിഞ്ഞതും പ്രഖ്യാപിച്ചതുമായ ചിത്രങ്ങൾ ഐശ്വര്യയുടേതായുണ്ട്. സ്ത്രീകഥാപാത്ര കേന്ദ്രീകൃതമായ 'അർച്ചന 31 നോട്ട് ഔട്ട്' എന്ന സിനിമയിലെ നായിക ഐശ്വര്യയാണ്

'അർച്ചന 31 നോട്ട് ഔട്ട്' സിനിമയിലെ ഐശ്വര്യയുടെ ലുക്ക്