PS 2 Trailer| ഇത്രേയും ലളിതമായി ഒരുങ്ങിയ ഐശ്വര്യ റായിയെ കണ്ടിട്ടുണ്ടോ? തൃഷയ്ക്ക് ചോക്കർ മുഖ്യം

തമിഴ് സിനിമയിലെ എക്കാലത്തെയും വലിയ വിജയങ്ങളിലൊന്നാണ് മണി രത്നത്തിന്‍റെ പൊന്നിയിന്‍ സെല്‍വന്‍ 1. അതിനു ശേഷം പൊന്നിയിൻ സെൽവന്റെ രണ്ടാംഭാ​ഗത്തിനായി ആകാംക്ഷയോടെ കാത്തിരിക്കുകയാണ് ആരാധകർ.

ആദ്യഭാ​ഗത്തിലെ ഐശ്വര്യ റായിയുടെയും തൃഷയുടെയും പ്രകടനത്തിന് ഏറെ കൈയടി ലഭിച്ചിരുന്നു. ഇപ്പോഴിതാ ചിത്രത്തിന്റെ ട്രെയിലർ ലോഞ്ചിൽ നിന്നുള്ള ഇരുവരുടെയും ചിത്രങ്ങളാണ് സാമൂഹിക മാധ്യമത്തിൽ നിറയുന്നത്.

ആദ്യഭാഗത്തില്‍ കണ്ടതൊക്കെ വെറും തുടക്കം മാത്രം ഇനിയാണ് നിങ്ങള്‍ അതിശയിക്കാന്‍ പോകുന്നത് എന്ന് തോന്നിപ്പിക്കും വിധത്തിലുള്ളതാണ് പിഎസ് 2ന്‌‍റെ ട്രെയിലര്‍. ബുധനാഴ്ച്ചയായിരുന്നു ചിത്രത്തിന്റെ ട്രെയിലർ ലോഞ്ച് നടന്നത്. പിങ്ക് നിറത്തിലുള്ള മനോഹരമായ അനാർക്കലി ധരിച്ചാണ് ഐശ്വര്യ ചടങ്ങിനെത്തിയത്.

തെന്നിന്ത്യൻ സുന്ദരി തൃഷയും മനോഹരമായ ഔട്ട്ഫിറ്റ് ധരിച്ചാണെത്തിയത്. നീലനിറത്തിലുള്ള ഡിസൈൻ സാരിയാണ് തൃഷ ധരിച്ചത്. സിൽവർ നിറത്തിലുള്ള വർക്കുകളും എംബ്രോയ്ഡറിയും മാറ്റുകൂട്ടി.

ഗോൾഡൻ വർക്കുകളാലും എംബ്രോയ്ഡറിയാലും സമൃദ്ധമാണ് ഐശ്വര്യയുടെ അനാർക്കലി. അതിനോടുള്ള ചേർന്ന പിങ്ക് ഷീർ ദുപ്പട്ടയാണ് താരം ധരിച്ചത്. മുടി അഴിച്ചിട്ട് മിനിമൽ മേക്കപ്പിലെത്തിയ ഐശ്വര്യയുടെ ലുക്ക് ആരാധകർ ഏറ്റെടുത്തുകഴിഞ്ഞു.

സിൽവർ നിറത്തിലുള്ള വർക്കുകളും എംബ്രോയ്ഡറിയും മാറ്റുകൂട്ടി. നീളത്തിലുള്ള സ്ലീവുകളുള്ള ഡീപ് നെക് ബ്ലൗസാണ് ഒപ്പം ധരിച്ചത്. സാരിയുടെ അതുപോലെ തന്നെ സീക്വനുകളും ഫ്ളോറൽ പാറ്റേണുകളും ബ്ലൗസിലും കാണാം.