'ചുംബിക്കാനും അടുത്തിടപഴകാനും നാണം'; ആദ്യമായി ഡേറ്റ് ചെയ്ത പെണ്‍കുട്ടി ഉപേക്ഷിച്ചെന്ന് അക്ഷയ് കുമാർ

താൻ ആദ്യമായി ഡേറ്റ് ചെയ്ത പെൺകുട്ടി ഉപേക്ഷിച്ച് പോകാനുള്ള കാര്യം തുറന്ന് പറഞ്ഞ് ബോളിവുഡ് ആക്ഷൻ താരം അക്ഷയ് കുമാര്‍. ഒരു ചിത്രത്തിന്‍റെ പ്രൊമോഷനുമായി ബന്ധപ്പെട്ട് ഒരു ചാനല്‍ ഷോയിലെത്തിയപ്പോൾ ബോളിവുഡിന്‍റെ സ്വന്തം 'അക്കി' പങ്കുവച്ച രസകരമായ ചില വിവരങ്ങളാണ് ഇപ്പോൾ വൈറലാകുന്നത്.

ആദ്യമായി ഡേറ്റ് ചെയ്ത പെൺകുട്ടി തന്നെ ഉപേക്ഷിച്ച് പോയെന്നാണ് അക്ഷയ് കുമാർ പറഞ്ഞത്. മൂന്ന് നാല് തവണ ആ പെൺകുട്ടിയുമായി ചുറ്റാനൊക്കെ പോയിരുന്നു. എന്നാൽ അധികം വൈകാതെ തന്നെ ആ കുട്ടി തന്നെ ഉപേക്ഷിച്ച് പോയി.

താൻ വളരെ നാണക്കാരനായിരുന്നു. ഈ സ്വഭാവം കൊണ്ട് തന്നെയാണ് ആ പെൺകുട്ടി ഉപേക്ഷിച്ച് പോയതും. തിയറ്ററിലും ഭക്ഷണം കഴിക്കാനുമൊക്കെ ഒരുമിച്ച് പോകാറുണ്ടെങ്കിലും നാണം കാരണം ഒരു തവണ പോലും ആ കുട്ടിയോട് അടുത്തിടപഴകാൻ ശ്രമിച്ചിരുന്നില്ല.

കൈ കോർത്ത് പിടിക്കണമെന്നും ചുംബിക്കണമെന്നുമൊക്കെ ആ പെണ്‍കുട്ടി ആഗ്രഹിച്ചിരുന്നു കാണും. പക്ഷെ ഞാൻ നാണം കൊണ്ട് ഇതൊന്നും ചെയ്തിരുന്നില്ല. അതോടെ ആ പെൺകുട്ടി ഉപേക്ഷിച്ച് പോയി. അക്ഷയ് സ്വതസിദ്ധമായി കോമഡി ശൈലിയിൽ പറഞ്ഞു നിർത്തി.

സിനിമയിൽ ആക്ഷൻ-കോമഡി രംഗങ്ങളിൽ തിളങ്ങുന്ന അക്ഷയ് കുമാർ ജീവിതത്തിൽ പക്ഷെ വളരെ ഗൗരവമേറിയ ആളാണ്. അധികം സംസാരിക്കാത്ത പ്രക്യതം. ബോളിവുഡ് മുൻ നായിക ട്വിങ്കിൾ ഖന്നയാണ് അക്ഷയുടെ ഭാര്യ. നിലവിൽ അറിയപ്പെടുന്ന ഒരു എഴുത്തുകാരിയാണ് ട്വിങ്കിൾ.