'മോനേ നിഗമേ... എല്ലാവരുടെയും നിഗമനങ്ങൾ നീ തെറ്റിച്ച് കളഞ്ഞല്ലോ; അബിയുടെ ക്ഷമയും, സഹനശക്തിയും എന്തേ നീ കണ്ടു പഠിച്ചില്ല'

മുടി പറ്റെവെട്ടി താടിയും വടിച്ചുമായിരുന്നു ഷെയിന്റെ പ്രതിഷേധം. ഇതിനെതിരെ വ്യാപക പ്രതിഷേധമാണ് ചലച്ചിത്ര പ്രവർത്തകർക്കിടയിൽ നിന്നും ഉയർന്നു വന്നത്. ഇപ്പോൾ ഫേസ്ബുക്ക് പോസ്റ്റിലാണ് അഷറഫ് ഷെയ്ൻ നിഗത്തിന് ഉപദേശം നൽകിയിരിക്കുന്നത്.

"ഷെയിം നിഗം... എല്ലാവരുടെയും നിഗമനങ്ങൾ നീ തെറ്റിച്ച് കളഞ്ഞല്ലോ മോനേ നിഗമേ... നിന്റെ പിതാവ് അബിയുടെ ക്ഷമയും, സഹനശക്തിയും, മുതിർന്നവരോടുള്ള ബഹുമാനവും, സ്നേഹവും തുടങ്ങിയ നല്ല വശങ്ങളൊന്നും എന്തേ നീ കണ്ടു പഠിച്ചില്ല...

മോനേ... നമുക്ക് മുൻപ് സഞ്ചരിച്ച മഹത് വ്യക്തിത്വങ്ങൾ ഏസിയും കാരവനൊന്നും ഇല്ലാത്ത കാലത്ത് കഷ്ടപാടുകളുടെയും വേദനയുടെയും ത്യാഗത്തിന്റെയും ഫലമായ് അവർ കെട്ടിപടുത്ത ആ പടികളിലൂടെയാണ് നീ കയറി വന്നതെന്ന് മറക്കരുത്.

മോനേ... പ്രേംനസീർ ഫൗണ്ടേഷൻ പ്രസിദ്ധീകരിച്ച " നിത്യഹരിതം " എന്നൊരു പുസ്തകമുണ്ട്, നസീർ സാറിനെക്കുറിച്ചു.. ചുരുങ്ങിയത് അതെങ്കിലും നീ ഒന്നു വാങ്ങി വായിക്കണം.. ഒരു പക്ഷേ നിനക്കതൊരു പാഠപുസ്തകമായി സൂക്ഷിക്കാം...

നീ പറയുന്നു.. ഓക്കെയായ ഷോട്ടുകൾ വീണ്ടും വീണ്ടും സംവിധായകൻ എടുപ്പിച്ചെന്ന്.. ഷോട്ട് ഓക്കെ എന്നു തീരുമാനിക്കുന്നത് നടനാണോ സംവിധായകനാണോ...?

ഒരു സംവിധായകൻ 60 വരെ പ്രാവിശ്യം വീണ്ടും വീണ്ടും എടുത്തിട്ടുള്ള സൂപ്പർ താരത്തിന്റെ സഹകരണം ഞാൻ നേരിട്ടു കണ്ടിട്ടുള്ളവനാ. സംവിധായകൻ OK എന്നു പറഞ്ഞിട്ടും , ഇത് മതി എന്നു പറഞ്ഞിട്ടും ഇനിയും കുറച്ചുകൂടി നന്നാക്കാം സാർ എന്നു പറഞ്ഞ്.

തൊഴിലിനെ സ്നേഹിച്ച് , ഓടുന്ന മോട്ടോർ സൈക്കിളിന്റെ പിൻസീറ്റിൽ നിന്നും പറക്കുന്ന ഹെലികോപ്റ്ററിലേക്ക് ചാടിക്കയറി ജീവൻ വരെ ത്യജിച്ച ചരിത്രമുള്ള ഒരിടമാണ് ഇവിടമെന്ന് നീ ഓർക്കുന്നത് നന്നായിരിക്കും...

ഒത്തുതീർപ്പ് വ്യവസ്ഥയുടെ 15 ദിനങ്ങളിൽ 10 ദിവസം കഴിഞ്ഞപ്പോൾ ഒരഞ്ചു ദിവസം കൂടി നിനക്ക് ക്ഷമിച്ച് സഹകരിച്ച് കൂടാമായിരുന്നില്ലേ...

ഒരു പാട് ചെറുപ്പക്കാർ മോഹിക്കുന്ന ഈ നടന സ്ഥാനം നീയായിട്ട് സ്വയം നശിപ്പിച്ചു കളയുന്നത് കണ്ട് വേദനയോടെ പറഞ്ഞു പോയതാ.... "

ഷെയ്ൻ നിഗം